Ruut 2:4 - NABUWWA KEE MALIKWA

⁴ Waqlak wadir Booqas Beetlacamak yemeeteeh, taamâ-marah salaamatta abe. «YALLI sin lih yanay» iyye. Osonuuy, «YALLI barkat kot haay» kaak iyyen.

Ruut 2:4 ပူးပေါင်းရင်းမြစ်များ

1 Aydaad 2:51

Cuuruk nammayhaytô baxi, Salma, Beetlacam xise. Sidochaytô baxi, Caraf, Beet-Gader deqsitta magaala xise.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Yoosuwa 24:15

YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

Makaabon 6:12

Too waqdi YALLIH malaykatti tokkel kaah yumbulleeh, kaak iyyemii, «Qande le agirow, YALLI ko'lih yan» kaak iyye.

Makaabon 6:16

YALLI kaadu kaak iyyeemih, «Anu koo cateyyooh; tonnal abtu duudetto. Miidiyan mari qandek inki numih gide kol mayallaay; bututtukka ken heetto» kaak iyye.

Ruut 2:3

Ruut buqreh adda gexxeeh; tokkel daro orbisa mari cabem gaabossa'gidih, sinaamak darre-darret gexxe. Nasiibih woh elle abak sugtem, tet baqalah ramad le numuy Booqas deqsitahiyyah buqreh adda.

Ruut 2:5

Sarrak Booqas taamak abbah yan numuk, «A qunxa barra iyyin barray?» iyye.

Ruut 4:11

Tokkel sugte magaalah idoola kee raqqa 'ye mari inkih iyyeemih, «Nanu a saaku tekkeemih sumaq kinninoh. Digibte barra, Raacel kee Liyay Israayil ummatta akak raddehiyya innah YALLI tet abay. Efrata-gulubuk inkih gaddali koo abay; Beetlacam magaalal kaadu migaq-gexxo le num koo abay.

1 Samuwel 17:37

YALLAY lubokwa kee gersi alluwwak yoo catehiyya a Filistiin numuk yoo catele» iyye. Saawuluuy, «Meqeh hay, YALLI ko'lih yanayak gex» kaak iyye.