Ruut 1:6 - NABUWWA KEE MALIKWA

⁶ Waqlak wadir Noqmi, YALLI isi marat barkat heeh baaxol mango daro tooboke 'yaanam toobbe. Too waqdi isi xayloh agabu kee isih Mooyab-baaxo cabteh gexxam faxak ten.

Ruut 1:6 ပူးပေါင်းရင်းမြစ်များ

Yasaqya 55:10

Yi qangara baaxo allaggoosaah qaraanak oobe barad kee roobih gide kinnim taaxigeenim meqe. Rob qaran fan gacak duma, daro kee coox yaysubukeeh, tonnal dariyyu bahsiiseeh, sinaamah maaqo bahsiise. Yi qangara too gide. Anu exce qangara kaadu baaxot maraddaay, too anu elle inxicci exce innal akkele. Anu faxam duuduseleeh, tet akah excem agdubele.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ayyuqel 2:19

Ken dooqa oggoleeh keenik iyyeemih, «Tahak wadir, darooy, qinabak bicsen kamri kee caxâ xaylok bicsen *zeytik (saliidik) sin cayiseyyo. Tahaysa sahda sin mabursutta.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Ruut 1:5

Maclon kee Kilyon kaadu rabteh. Noqmi-baqla kee tet xaylo inkih rabteh; is dibuk raqte.

Ruut 1:7

Sarrak Yuudâ-baaxo fan gacaana'gidih safarah ugteenih; Yuudâ-baaxo fanah aban gexoh gitat yanin waqdi,

1 Samuwel 2:21

YALLI Cannat barkat heeh, gersi lab-xayloh sidoc kee say-xayloh nammay xalte. Samuweliy awkah yanihiyya YALLIH taama elle aba aracal elle ambuk yembe.