Ruut 1:16 - NABUWWA KEE MALIKWA

¹⁶ Ruut teetik inteemih, «Annah tanim yok maxcin. Atu gexinnaan ikke ko'lih gexeyyok, anay yoo inxic» teetik inte. «Atu dabqah elle gacinnaan baaxol ko'lih gaceyyo. Ku mari yi maraay; ku Dagelti yi Dagelta.

Ruut 1:16 ပူးပေါင်းရင်းမြစ်များ

2 Samuwel 15:21

Ittay kaal gacseemih, «Gexinnaan ikke ko'lih gexeyyooh, rabtek ko'lih rabeyyoomuh, YALLAY waarahiyyah migaq kee ku manol xiibita» iyye.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 3:29

Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Hosiqa 13:4

YALLI iyyeemih, «Anu YALLA kinniyooh, sin Dagelta kinniyo. Masrik sin bahtem yoo. Yook sa Yalli mayana. Sin cattam dibuk yoo.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Yoosuwa 24:18

A baaxol kaadu bisoh elle genxaamal, YALLI Amoorâ-maray akkel sugehiyya baaxok yeyyeeqeh. Tonna leemiik koo kee ku buxa elle abtan innal, nanu kaadu YALLA aqbudenno. Ni Dagelti kaa» iyyen.

Ruut 1:15

Too waqdi tet ballo teetik inteemih, «Qorfa isi baaxo kee isi taqbudem fan taduureh tanik, atu kaadu uduur» teetik inte.

Ruut 1:17

Rabi yok, atu elle rabtu wayta ikkel akkeleeh; magaq yok ku magaqa lih gacele. Koo dibuk cabaanamak, YALLIH digaala yot takkem tayse. Rabak sarra tittak nee baxissam matana» teetik inte.

Ruut 2:6

Woo numuuy, «Ama barra Mooyab-baaxok Noqmi lih temeete barraay; ‹Sinam cabte daro afiilu waa› yok itteehiiy, akkeey saakuh taamat tan. Away inki adda silaalal ufuy rubbu hayteh immay, akkeey saakuh taamat tan» kaak iyye.

Ruut 4:15

Ruut koo kicnaah, malcina lab-baxi xiqaamak fula koh xiqte. Away absuma koh bahteeh; a absumi idoolinnal ruffu koo heeleeh, qande kot heele» teetik iyyen.