Qobadya 1:3 - NABUWWA KEE MALIKWA

³ Isin liton kaxxiina sin aylahisseh. Boolaalik addat inaytah magaala liton. Buxaaxi siinik fayya le aroocal tenek sah, ‹Akkek iyyi nee oobisu duudah?› bagul intan.

Qobadya 1:3 ပူးပေါင်းရင်းမြစ်များ

2 Malikwa 14:7

Amaxya Edomuh yooboke marak tabna alfi qaskariita Qasbo-le-Golo deqsitta golol qide. Silaq deqsitta magaala qeebit yibbixeeh; Yoktaqel 'yaanam migaaqah teetik iyye. Ta saaku fan too migaaqal tet yaaxigen.

2 Aydaad 25:11

Sarrak Amaxya niya gacissa heeh, isi qaskarak foocat gacca 'yeh Qasbo le Golo deqsita arac fan ken been. Tokkel qeebi abeeniih, too saaku Edom qaskarak tabna alfih num qiden.

2 Aydaad 25:12

Tabna alfih qaskariita kaadu yibbixeenih. Too qaskar Silaq deqsitta qalek amo beyya heenih boolok amok ken qiden. Too qalek kombobbolak obba 'yeenih boolok gubat yan kaxxa xixxooqal radeeniih, tonnal yembexen.

Yasaqya 16:6

Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

Ermiyaas 21:13

«Yarusalaam magaalak kaadu iyyeemih, ‹Yarusalaamey, atu intam: Fayya 'ta ikkel aniih, yoo xagtam matanaay, yi adda num macula 'yaanam inta'mmay qeebi anu kot abeyyo.

Ermiyaas 37:9

Toh lih kaadu kaak intaamah, ‹Baabelon-mari a magaala abbixe'kal raaqelem kot ceele waytay. Tet abbixelem ixig. Toh intam yoo YALLA.

Ermiyaas 48:28

Mooyabal yan maraw, Mooyab magaaloolik eweqay. Booloh amot gaca. Boolok bagut qarwa xisitta kukkurru tika.

Ermiyaas 49:16

Sahda nek meysitta axcuk kaxxiinittaanah immay, sin kaxxiina sin aylahisseh. Dabaaqah elle tantoonum, xixxaqak kibuk tan boolok bagu. Dabaaqah qawiitak kaxxih fayya le aracal tantoonu'mmay, anu addah sin oobiseyyo. Tahat yabtam yoo YALLA› » keenik iyye.

Ermiyaas 49:4

Imaan maleelay, ‹Ni baaxo niqmat le baaxooy; linom kaxxa midiri› intan. Isinni caylat kaxxam takkalen; ‹Net qeebi abu num mayalliila› axcuk hidah rabtan.

Yacedkel 28:16

Duyye limo kee aylammiyyat taamah gacteeh; toh baatilit koo asisseeh too baatil dambi kol yekke. Ahak gexxaamah, dacrisak yen malaykattow, taahirik tan yi qale koo cabsiiseh. Woo liliq iyya xeetih fanak koo eyyeeqe.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».