Qobadya 1:18 - NABUWWA KEE MALIKWA

¹⁸ Yuuda kee Israayilih yooboke mari girah innah sahda cararisele. Qiisok rade mara, caffat gexxe girah innal, carariselon. Qiisok rade marak num maraaqa. Tahat yabtam yoo YALLA» iyye.

Qobadya 1:18 ပူးပေါင်းရင်းမြစ်များ

2 Samuwel 19:20

Yi amoytaw, dambi lem baahem innik eexegeeh; a saaku kilbat le kabut raqta kedooday Yuusuf xaqut tanihiyyak naharat kot matra'gidih akah emeetem, tohu» iyye.

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Yasaqya 31:9

Ken malikiy ken dacayrih yene cunxot bayele. Carbi-abbobti meysik gexxaamah, carbi qalaamatih sinbil baaxot qideenih cabelon. Ahat yabtam, yoo YALLAY Siyon-qaleh amol solal girah innah urahiyya.

Yasaqya 47:14

Caffay gira edde gexxah bis lon. Gira keenit gexeleeh, ken cararisele. Too giray ken carrissu waytahiyyak isinni cataanam maduudan. Keenit gexxu waytam, xagar elle laqisan gira hinnaay, waacak garit akak daffeyan gira hinna.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 9:18

Macaay inteenik, oson lon umaane, eqebto kee sibaasibit gexxa girah gide. Ken umaane garbot gexxa giray qer qaran fan akak yawqehiyyah gide.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Ermiyaas 11:23

Qanatot maral bala ruubu waa wakti xayyooweh yani'mmay, too saaku num keenik mawaddiima› 'yaanam yok iyye» iyye.

Yacedkel 37:16

«Bani-adantow, caxxa baahay, ‹Yuudâ doolat kee kaa'lih yan Israayilih yooboke mara› 'yaanam bagul akak uktub. Kaadu gersi caxxa baahay, ‹Yuusuf-Efrayim kee kaa'lih yan Israayilih yooboke mara› 'yaanam elle uktub.

Yacedkel 37:19

keenik intaamah: YALLAY Mulki lehiyya iyyaamah, ‹Yuusuf-Efrayim migaq elle yan caxxa, Yuuda migaq elle yan caxxa lih haam faxa. A namma caxxa tittat gaadissa heeh inki caxxah gacissa heeh inni gabat heeyyo› keenik inxic.

Ayyuqel 2:5

Qaleelah amol ooba waqdi, kafin bocot gexxa girah xaw xaawaah; xoxbisan faras gaariirah xaw xaawa. Carbih gaadda qaskarih innah rooruh yamaate.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Qaamus 6:6

Qinabak bicsen kamri kobbaayatal mataaqubaanay buxux le kaxxa sacanil taaquben. Sukutik meqe sukutit isinni taskuten. Takkay immay Israayil ummat edde tan biyak siinih mayambullaay, akah mabiyaakittan. Tamahak gexxaamah, siinit takku waytam umaamaay abletton!

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

Naacum 1:10

Isin yiskire maraw, kafte qayso kee ittat culah yan keenaanit gexxa girah innah cararetton.

Zakariyya 12:6

«Too ayro Yuudâ-kedoh abbobti caffa takme gira abeyyo. Axaw axawah heen qaysot gexxa gira ken abeyyo. Dariifal keenik enna 'ta doolat inkih bayselon. Yarusalaam marah tu gactekiiy amaanah raaqelon.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.