Qobadya 1:10 - NABUWWA KEE MALIKWA

¹⁰ «Isin akak radden Qiiso kee Yaqkuub toobokok tene'mmay, Yaqkuub-duruyyat wararteeniih, ken qiddeenih. Tohuk gexxaamah selliimetton. Kulli waqdi qaybit rada mara akketton.

Qobadya 1:10 ပူးပေါင်းရင်းမြစ်များ

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 49:13

Bosrâ-magaalat baati akkeleemih inni migaaqal xiibita. Umâ-yabulih tanim teetit akkeleeh, num sinniih lac sinni abuuruh raaqele. Sahda teetil anqaasele. ‹Bosrat tekkem siinit takkay› axcuk abaaroh tet haysitelon. Tet dariifal tan gaandoodi abur akkele. Kulli waqdi abuuruh raaqele. Tahat yabtam yoo YALLA» 'yaanam iyye.

Ermiyaas 51:51

‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Yacedkel 35:9

Magaalooli siinik wadirik num elle gace waa abur abeyyo. Too saaku YALLA kinniyom yok aaxigetton.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Ayyuqel 3:19

Masri bacarih tan baaxo akkeleeh; Edom tu elle aabuke wayta foyyah tan baaxo akkele. Toh akah takku waytam, oson Yuudâ rasu yibbixeenih, teetil sugte masaakiinah yan mara qiden.

Qaamus 1:11

Kaadu qagissa heeh iyyemii, «Aham YALLI iyyaama. ‹Edom mari fiiruk geerah dambi le taama abeenih; tohuk gexxaamah ken digaaleyyom digga le. Israayil ummatay ken toobokoh tanihiyya admoh qidan dubaalih gurral qiden. Racmatta sinni qidimih ken qiden. Way cabe waan naqabu afqadot keenih heen.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.