Qedra 9:7 - NABUWWA KEE MALIKWA

⁷ Ni kaxxa abbobtih dabaanaay, akke, neey ku mara kinnihiyya dambi abittok way maadayinnino. Nanu abne dambik gexxaamah, neey ni malikwa kee seekak nakkeemiik, marin malikwah milkih gacneeh; nee buubeeniih, nee qideeniih, seewah casbit yabbixen marih gurral nee been. Caddi akah abe waan maray qaybit radehiyya nekkeh sugneeh, uxih too marah akah nan.

Qedra 9:7 ပူးပေါင်းရင်းမြစ်များ

1 Malikwa 8:47

kaskassoowan waqdi, ‹Yallaw, dambit asneh naniih umam abneh noysommeh nanik, qafu neh ab› axcuk toobiten ken tekkek, too tooba keenik raabit.

2 Aydaad 29:6

Ni kaxxa abbobti YALLAY ni Dageltah yanihiyyal luk ten imaan cabeeniih; YALLI anqibinnaanim abak sugen. YALLA hawweeneeniih, kaa elle yaqbuden aracat darre caben.

2 Aydaad 30:7

Sin kaxxa abbobti kee sin innah yan Israayil mari akah suge innal, YALLAY sin kaxxa abbobti doorehiyyal imaan sinni mara makkina. Isin akah tablen innah, YALLI wohuh ken uma'nnah digaaleh.

2 Aydaad 34:24

‹Yarusalaam kee teetil yan mara digaaleyyo. Ama kitaabay koh yikriyeenihiyya elle inta'nnal bala oobiseyyo› iyyah yan.

Qedra 9:13

Ni Dageltaw, abneh nan kaxxa dambi kee umaanek gexxaamah, digaala net tekkek sarra kinni way, ni umaane takkeh gidel nee madigaalinnitooy, baye marak saaboh sinam cabte.

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Yasaqya 64:4

Dumî dabaanaak akke fanah, ku innah yan Dageltay kaal kibaal hee marah a xaqan le cato abahiyya tubleeh toobbem matan.

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 32:23

Takkay immay a baaxo guffu heenih teetil dabaaqah gaceenik wadir, ku yab kassitak maraaqinnon. Atu keenik aba intem kee keenik akah xiina inte xinto cineenih. Aba inteh ken akah amrisseemik tu aboonu cineenih. Tonna leemiik a bala keenil oobisse.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 44:9

‹Sin kaxxa abbobtiiy Yuudâ-malikwa kee ken agabuuy; sin kee sin agabu Yuudâ-rasitte kee Yarusalaam-magaalal abak tenen dambi hawwenteenii?

Yacedkel 11:9

Yarusalaamak eyyeqqa sin heeh, marin marih gabal sin heeyyo. Raba siinil uckumeh an.

Yacedkel 39:23

Israayil mara seewah marin baaxo akah beenim, ken umaane kee yol baahen ceele wayto kinnim, gersi baaxoh ummat inkih aaxigele. Anu too waqdi darre keenit cabeeh, ken naqboytit carbil keenik akah tayse'nnah abe. Qeebit raben.

1 Samuwel 12:15

Tonna hinna'mmay, YALLIH yab aabbe wayteeniih kay amri cinteenik, tonnal YALLI sin kee sin malikil inkih umam baahele.