Qedra 8:20 - NABUWWA KEE MALIKWA

²⁰ Toh lih kaadu, namma bool kee labaatanni numuy Yallih Qibaadah-Qarit taamitak yenehiyya ruuben. Ta marak kaxxa abbobti, dumah yan saaku Leewih yooboke marah taamitaana'gidih doorimteh ten. Too taamah ken doortem, Malik Dawud kee kay gubal doolat taamat yen kaxxa-kaxxa mara. Too marih migaq inkih yuktubeenih yenen.

Qedra 8:20 ပူးပေါင်းရင်းမြစ်များ

1 Aydaad 9:2

Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

Qedra 2:43

Yallih Qibaadah-Qarih taamat duma suge marak rade marak yuduure marih gulubuk migaq ah kaana: Xiica kee Casuufa kee Tabaaqot kee Keeros kee Siqaha kee Fadon kee Labaana kee Cagaaba kee Qakkub kee Haagab kee Samlay kee Canaan kee Giddal kee Gacar kee Rayya kee Raaxin kee Nakooda kee Gaddam kee Qudda kee Faseeyac kee Besay kee Qasna kee Maquunim kee Nafiisim kee Bakbuk kee Cakuufa kee Carcur kee Baxlut kee Maciida kee Carsa kee Barkus kee Sisra kee Temac kee Naxiya kee Catiifa deqsita gulubuk ten.

Qedra 8:17

Ta mari yemeete waqdi, Qiddo deqsita numuy Kasifya deqsita rasih marak abbah yenehiyya fan ken ruube. Ken akah ruubemii, kaa kee kay wakaliitittey Yalla kinni ni Dageltih Qibaadah-Qarit taamittahiyya, Qibaadâ-Qarit Yallih taamat taamitu waa mara neh ruubaana'gidik ten.

Qedra 8:19

Tonnah kaadu, Casaabiya kee Yasaqya deqsita namma numuy Leewî kedok Maraari deqsita gulubuh gacissahiyya kee, keenih ramad le labaatanni num ken lih hayya heenih ruuben.