Qedra 8:18 - NABUWWA KEE MALIKWA

¹⁸ Yalla kinni ni Dagelti nee cateemih taagah, Sereebiya deqsita numuy Leewî kedok Macli deqsita gulubuh gacisak yeneeh, isi taamal dudda luk yenehiyya, xaylo kee tooboko fanal sittat taban kee bacra num akkuk ruuben.

Qedra 8:18 ပူးပေါင်းရင်းမြစ်များ

1 Aydaad 6:1

Leewi lab-xaylok sidoc luk yen. Ken migaq Gerson kee Kohat kee Maraari deqsitak yen.

1 Aydaad 6:19

Maraari namma lab-baxa luk yen. Oson migaaqah Macli kee Muusi deqsitak yenen. Ken aydaadi elle yascasse'nnal, Leewî-kedok exxa akak radde mara kee ken abbobtih yen marih migooqa ah teeti.

1 Aydaad 6:4

Alqedaraay Fincas xaleeh, Fincasaay Absuwaq xaleeh,

2 Aydaad 30:22

Ciskiyyaahu, Leewî-mari YALLIH qibaadah taama elle aban innah ixxiga loonum keenik yuble waqdi, wohul ken fayliseh. Malcina ayroh gide amaanah xiinaanamih astah qidan sadgat abakaay YALLA faylisak sugeenik sarra,

Qedra 7:28

Yallih kacanuy digga lehiyyak gexxaamah, malik kee malikih fayu yecee mara kee, kay gubal yan cayla-leelah tan doolat marih garil, meqe intit yablen num ekke. YALLAY yi Dagelta kinni niya yot heeh, Israayil marak mango gulubuh yaabuke mari yo'lih yaduure'gidih ken lih yaabe yab yok oggoleh» 'yaanam iyye.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Qedra 8:16

Saqoltih yen marak sagla numuh, «Ama» 'yaanamih farmo ruube. Tohum, Elqeeder kee Ariyal kee Samaqya kee Elnaatan kee Yaarib kee Elnaatan kee Naatan kee Zakariyya kee Masullam kee, kalah kaadu, Yoyyaarib kee Elnaatan deqsitta namma kabiirik ten.

Qedra 8:19

Tonnah kaadu, Casaabiya kee Yasaqya deqsita namma numuy Leewî kedok Maraari deqsita gulubuh gacissahiyya kee, keenih ramad le labaatanni num ken lih hayya heenih ruuben.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

Qedra 8:24

Tohuk lakal, saqoltih ten seekah addak taban kee namma sek kee, kalah kaadu Leewih yooboke marak Sereebiya kee Casaabiya kee keenih ramad le tabna num doore.

Nacmiya 12:24

Casaabiya kee Sereebiya kee Yaasuwa kee Binnuy kee Kadmiyal deqsita num Leewih yooboke marak foocat anuk, ken missoyseeniih butta-buttal ken heen. Ta mari namma buttah gacca 'yeh, Malik Dawuduy Yallih numuh yenehiyya elle abak yen innal, Yallih saare aba mara kee yakkuqe marah gacca 'yeenih, Yalla faylisak yenen.

Nacmiya 2:8

Tonnah kaadu, ku garbot dacayrih yan numuy Asaf deqsitahiyyah warkat yoh aktubetto» kaak exce. Woo warkatal farmoh intaamah, ‹Yallih Qibaadah-Qarik xaqut yan reebuk xisen qarih afah alifuh edde heen coox kee, magaalat maroh yan gidaar edde xisan coox kee, kalah kaadu, anu dabaaqah edde gacu waa qarih coox yoh ucuya› 'yaanam kaak yoh inxic» kaak exce. Yalli yo'lih yeneemih sabbatah, malik anu kaa esserem yoh abeh.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

Ermiyaas 3:15

Tokkel yi yab yaabbu waa mara abbobtih siinik heeyyo. Abbobtih siinik hayu waam, qakli le maraay; too mari kasat sin xiinisele.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.