Qedra 7:8 - NABUWWA KEE MALIKWA

^8-9 Qedra too mara luk, sanatak naharsi alsak naharsi ayrot Baabelon rasuk gexoh ugte. Safaral Yalli ken cateemih sabbatah, konoyhaytoh alsak naharsi ayrot Yarusalaam magaala gufen.

Qedra 7:8 ပူးပေါင်းရင်းမြစ်များ

Qedra 10:9

Sidooca ayroh addat, sanatak sagalhaytoh alsak labaatanhaytoh ayro, Yuudâ rasu kee Benyam rasul sugga 'te labha inkih Yarusalaam fan temeeteeh; Yallih Qibaadah-Qarih daaratal mododen. Too ayro kaxxa rob radeeh; takkay immay akah yemeeten qaadak maca net akkeleh kaxxam cunxiten. Kabuk teenak rob keenil radeeh; kabuk teenak maca net akkele meysih axaxo keenit hayte.

Qedra 8:32

Sarrak Yarusalaam gufne. Too waqdi sidooca ayroh gide gexô-taqabik ufuy rubsutak sugne.

Qedra 9:9

Naqoosah sugne'mmay, kooy ni Dagelta kinnihiyya nee mamaaqilinnaay, ku kacanuy aggiriqe sinnihiyya nee dacrisak, Fursi-malik ni yab oggola num abte. Ku qariy yiddigilleh sugehiyya xisnuuy, akkel Yarusalaam kee Yuudâ-rasul amaanah xinna'gidih, akke nee ruubaamih taama too malikih gabat absisse.

Aster 2:16

Ekserkas malik edde yekke malcinhaytô-sanatak taban haytoh alsay migaaqah Teebet deqsitahiyyat, Aster malikiy isi gasoh addal yanihiyyah fan baahen.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.