Qedra 7:16 - NABUWWA KEE MALIKWA

¹⁶ Tohuk kalah kaadu, Baabelon rasuk gaabosseh sugte dahab kee lakqok tu cabe'kal gabat beyay; toh lih kaadu, Israayil ummatta kee seeka ken Dagelta elle yaqbuden qariy Yarusalaamal yanihiyyah isinni fayxiik ruuben acwa gabat bey.

Qedra 7:16 ပူးပေါင်းရင်းမြစ်များ

1 Aydaad 29:17

Yi Dageltaw, kulli numuk afqado tagirribem kok aaxigeh; afqado akak digga le num table waqdi ruffu iyya Dagelta kinnitom kok aaxigeh. A duyyey anu inni le kabuk eceehiyya qado-baguuk eceeh inni fayxiik kaadu tet ecee. Tonnah kaadu, ku maray a duyye akke baahehiyya isi fayxiik bagu edde emeqqa 'yeenih baaheenim keenik ubleh an.

1 Aydaad 29:6

Malik Dawud toh keenik iyye waqdi, kedoh abbobti kee doolat kabuk kedoh abbobtih yan mara kee, alfi-alfi kee bool-boolul kurrunte qaskarak abbobtih yan mara kee, malik taamah abbobtih yan mari inkih, «Meqeh, aceenno» 'yaanam iyyen.

1 Aydaad 29:9

Ummat isi fayxiik, num ken dirkise'kkal, mango duyye yeceeniih; mango duyye YALLAH tontocowweemih kaadu tassa iyyen. Malik Dawud tah yuble waqdi, kaadu ruffu iyye.

2 Aydaad 31:14

Leewih yooboke Imna deqsita numih baxay migaaqah Koore deqsita Yallih Qibaadah-Qarik ayrô-mawqa le kabut raqta afa dacrisak yeneeh; Yallih migaaqal baahan mattaco kee wohim elle kuran innih abbootan usuk luk yen.

2 Aydaad 6:2

Away koh kaxxam naba qariy dabqih kulli way elle gactu wayta xise» 'yaanam iyye.

2 Aydaad 6:5

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Qedra 1:4

Yallih marak elle yanin marin rasuk isi baaxo yaduurem faxa mari yenek, ken cuggaaneh yan marak, isinni baaxoh akah yaduuren innah, cato keenih aba. Dahab kee lakqo kee, taama edde aban duyyeey, merraytu kee saq keenih ucuya. Tonnah kaadu, Yarusalaam magaalal Yallih Qibaadah-Qarih isinni fayxiik ruuban duyye mattacoh keenih ucuya. Ah tuktubem yoo Fursi-maliki» 'yaanam yuktubeh ruube.

Qedra 1:6

Ken cuggaaneh suge mari mango duyye catoh keenih yeceeh; lakqok bicsen duyyeey, dahabaay, taama edde aban duyyeeyaay, merraytu kee saq kee, kalah tan duyyey limo gibdihiyya keenih yeceen. Tohuk kalah kaadu, Yallih Qibaadah-Qarih isinni fayxiik ruuban duyye keenih yeceen.