Qedra 7:14 - NABUWWA KEE MALIKWA

¹⁴ Yoo kee yo'lih yan malcina numuy fayu elle baahahiyya inkih, titta elle geyya hayneh: Yuudâ-rasu kee Yarusalaam addal tan ummatta, ku Dagelti ruube xintoy ku Dagelti koo akah yeemenehiyya intam, abaanam kee abe waanam wagitta'gidih koo rubnah nan.

Qedra 7:14 ပူးပေါင်းရင်းမြစ်များ

Qedra 1:3

Kay ummattak, Yalli sin lih yanay! Tonna'mmay Yarusalaam fan gexxa xicay, YALLAY Israayil doore Dagelta kinnihiyyay Yarusalaam magaalal yanihiyya luk suge qari nammeyhaak xissaanamah idni siinih acee.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Qedra 6:12

A amri cinaah Yallih Qibaadah-Qari yaggilem faxa malik yenek, doolat tenek, too malik kee too doolat Yallay Yarusalaam isi elle yaqbuden aracah doorehiyya ken bayisay. Ta amri teceem, yoo Daryawesi. Tama warkat inxicca 'tam inkih xayih duudussaanama›» 'yaanam elle tan warkat yuktubeh keenih ruube.

Qedra 6:8

Oson too qari xisan waqdi, ken elle cattaanam siinil tan. Taama keenik gaba kalla haytam fanah, fanat akah aade wayta innah, taamita marah Furaat Weeqaytuk Ayrô-culma le kabut Raaqa Rakaakayak doolat gabbarah beyta lakqo dudda luk, waqlal elle ucuya.

Qedra 7:15

Yoo kee anu fayu elle baaha mara titta elle geyya hayneh: Israayil mari yaqbude Dageltay Qibaadah-Qari akak Yarusalaam magaalal yanihiyyah migaaqal, acwah tacayu wayta dahab kee lakqo kol rubna.

Qedra 7:28

Yallih kacanuy digga lehiyyak gexxaamah, malik kee malikih fayu yecee mara kee, kay gubal yan cayla-leelah tan doolat marih garil, meqe intit yablen num ekke. YALLAY yi Dagelta kinni niya yot heeh, Israayil marak mango gulubuh yaabuke mari yo'lih yaduure'gidih ken lih yaabe yab yok oggoleh» 'yaanam iyye.

Qedra 8:25

Too waqdi malik kee kay gubal taamita maraay, fayu kaah yecee mara kee Israayil mari, Yallih Qibaadah-Qarih taamat assa'gidih, yeceeh suge dahab kee lakqo kee kalah tan duyye miizaanal hayya heeh, kinnih gide ublek wadir too marih gabal hee.

Aster 1:14

Mango waqdi fayu elle esserak yenem, Karsena kee Sesar kee Admaata kee Tarsis kee Mares kee Marsana kee Mamukan deqsita marak ten. Ta malcina num, Fursi kee Meediyah rasul doolat taamak kaxxa aracal yan marak yenen; malik xaqu yamaatoonuh idni luk yenen.

Yasaqya 8:20

Too waqdi keenik intaanamah, «YALLI siinik iyyem abay kay farmo ankacisa» keenik inxica. Ta qangara cina maral, maaci mamaacisa.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 6:20

Tokke yemeete waqdi meysitak Daaniyelih seeceh, «Daaniyelow, waara Yallih naqasow, atu baguuk taqbude Yallay ku Dagelta kinnihiyya lubookak koo catee?» kaak iyye.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Zakariyya 6:10

YALLI yok iyyeemih, «Sissikuk Xafanyâ-Yoosiyaahuh buxah fan gex. Tokkel, marin rasuk yemeete Celday kee Tobyaahu kee Yadaqya acwah koh tacayu wayta duyye gabat loonuh; keenik bey. A sidooca num a saaku Baabeloonul yan seewah been marih xaquk yuduuren.