Qedra 6:8 - NABUWWA KEE MALIKWA

⁸ Oson too qari xisan waqdi, ken elle cattaanam siinil tan. Taama keenik gaba kalla haytam fanah, fanat akah aade wayta innah, taamita marah Furaat Weeqaytuk Ayrô-culma le kabut Raaqa Rakaakayak doolat gabbarah beyta lakqo dudda luk, waqlal elle ucuya.

Qedra 6:8 ပူးပေါင်းရင်းမြစ်များ

Qedra 4:16

Tonnal ta magaala nammeyhaak xissinteeh, teetit maroh gaso heen ken tekkek, Furaat Weeqaytuk Ayrô-culma le kabut Raaqa Rakaakay ku abbootanih gubat raaqe wayu waam naharal elle koh warisna» 'yaanam elle yuktuben warkat kaah ruuben.

Qedra 4:23

Racum kee Simsay kee ken adoytitte ta warkatay Malik Artacsasta ruubehiyya yikriyen waqdi, arduk Yarusalaam fan gexeeniih, magaala xisak suge mara xisnê-taamak caylat yeyseeden.

Qedra 5:5

Yalli Yahuud-marih idoolak amo isih dacrisak yeneemih sabbatah, Fursi-doolatih taamat yen mari, naharak malikih warse'kal hebeltô-maaqatta bee waanamal gaba kaleeniih; tonna leemiik Yahuud mari woo taama elle beyak raaqe.

Qedra 6:14

Nabi Caggay kee Qiddó-Zakariyya ken aydikumusak, Yahuud marih idoola kaadu is le kabuk, Yallih Qibaadah-Qarih xisnet tisissikeeh, meqe'nnal taamitak xisen. Israayil doore Dagelti elle amrissa hee innal, tonnah kaadu, Fursi deqsita rasuk malikwah ten Kooris kee Daryawes kee Artacsasta deqsitta malikwa keenik elle inxicca 'yen innal, Israayil doore Dageltah-qari xiseenih, gaba kalen.

Qedra 6:4

Gidaar akah xisaana'gidih naba xeetiy affara ruknik yanihiyyak sidooca xisne xisaanama. Sarra fanat inki xisneh gide cooxuk xisaanama. Tohuk lakal kaadu sidooca xisneh gide xeetik xisak, sarrak kaadu, gudet inki adda cooxuk xisak, gaba kalla haanam fanah too gurral xisaanama. Ta xisneh faxximma 'tam malik-makdanak yacoonay.

Qedra 6:7

Yallih Qibaadah-Qarih caagidit feera mahana. Yahuud-xintoh abba kee Yahuud-marih-idoola Yallih Qibaadah-Qari duma elle suge aracal xisoonay.

Qedra 6:9

Kulli ayro Yarusalaamal tan seekah faxxa hannaanim keenih ucuya. Qaraanal yan Yallih migaaqal sadgatay cado akak carrisaanahiyyah dahaltu akkiiy, marwa akkiiy, anaaqe akki taceenim siinil tan. Toh lih kaadu kamadi akkiiy, qasbo akkiiy, tonnah kaadu, qinabak bicsen kamri kee caxâ xaylok bicsan zeyti (saliid) too sadgatah taceenim siinil tan.

Qedra 7:14

Yoo kee yo'lih yan malcina numuy fayu elle baahahiyya inkih, titta elle geyya hayneh: Yuudâ-rasu kee Yarusalaam addal tan ummatta, ku Dagelti ruube xintoy ku Dagelti koo akah yeemenehiyya intam, abaanam kee abe waanam wagitta'gidih koo rubnah nan.

Nacmiya 11:23

Malik buxah gasok amri yewqeh yeneeh; too amri, kulli ayro midu-miduh ta mari Yallih Qibaadah-Qaril takke saare elle aban inna yascasse amrik ten.

Nacmiya 2:8

Tonnah kaadu, ku garbot dacayrih yan numuy Asaf deqsitahiyyah warkat yoh aktubetto» kaak exce. Woo warkatal farmoh intaamah, ‹Yallih Qibaadah-Qarik xaqut yan reebuk xisen qarih afah alifuh edde heen coox kee, magaalat maroh yan gidaar edde xisan coox kee, kalah kaadu, anu dabaaqah edde gacu waa qarih coox yoh ucuya› 'yaanam kaak yoh inxic» kaak exce. Yalli yo'lih yeneemih sabbatah, malik anu kaa esserem yoh abeh.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Caggay 2:8

A baadal eneyya 'ya dahab kee lakqo yiimi.