Qedra 6:5 - NABUWWA KEE MALIKWA

⁵ Duma Malik Nabkadnessar Yallih Qibaadah-Qarik Baabelon fan beeh suge dahab kee lakqok bicsen mingilwa Yarusalaamal yan Yallih Qibaadah-Qarih duma elle sugte'kkel gacsaanama» 'yaanam kutbeh elle sugte.

Qedra 6:5 ပူးပေါင်းရင်းမြစ်များ

2 Malikwa 24:13

YALLI dumaak akah iyyeh suge innah, YALLIH Qibaadah-Qaril sugga 'te duyye kee malik-qarih-addal sugga 'te duyyek tu macabinnay weerra heeh bee. Duma Malik-Suleeman YALLIH Qibaadah-Qarih-addal heeh suge dahabak bicsen duyyek tu macabinnay iggillaay weerra heeh bee.

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

2 Aydaad 36:18

A malik Qibaadâ-Qarih addal sugte duyye kee, a qarik makaadanal sugte duyye kee, malik Xidkiyah buxal sugte edderra heemik tu macabinnay dannabah Baabelon fan orbise. Kay gubal sugte doolat abbobtih buxaaxi kaadu buubeeh, tonnah kaadu dannabah bee.

Qedra 5:14

Nabkadnessar duma Yarusalaamal-yen-Qibaadah-Qarik dahab kee lakqok bicsen mingilwa beeh sugeeh, Baabeloonul usuk isih Yalla axcuk aqbuduk yen duyyeeyah qibaadah-qarih addal heeh suge. Malik Kooris too mingilwa tokkek bahsissa heeh wadir gacseeh, Sesbaxxar deqsita numih gabal hee. Too num kaadu Yuudâ-rasih abba abe.

Ermiyaas 27:16

Tohuk lakal YALLI iyyem seeka kee raqqa 'te ummatah warse. Too marak kaadu excemii, «YALLI siinik iyyeemih, ‹Yi Qibaadah-Qarik Baabelon fan dannabah been duyye xayi saaku gacselon iyya maray nabuwwah litoonuhiyyah yab maabbina. Oson siinil yaceenim diraaba.

Ermiyaas 52:19

Wohuk kalah, qaskar abbah yen num, dahab kee lakqok bicissa heen duyyey sugga 'tek, qunxa sacnitte kee, xikcin elle haan kabaaba kee, rifan lee addal akak haan sacnitte kee buutitteey, faanuswa elle daffeysan cooxuuy, qaydarus elle baahan qunxa sacnitte kee, faaroh kamri elle xayyoysan mingilwa inkih bee.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Daaniyel 5:2

Maqabat yanin waqdi, kaa kee kay xintoh-miracwaay kay agabu kee caggô-gubbih caggoh ginnaaqot le agabu elle yaaqubeeni'gidih, Belsaxxar amri yeceeh iyyeemih, «Gexay yi abba Yarusalaamal yan Yallih Qibaadâ-Qarik baahe dahab kee lakqok bicsen kobbaayiy kee sacnitte annah addah culusa» iyye.