Qedra 6:4 - NABUWWA KEE MALIKWA

⁴ Gidaar akah xisaana'gidih naba xeetiy affara ruknik yanihiyyak sidooca xisne xisaanama. Sarra fanat inki xisneh gide cooxuk xisaanama. Tohuk lakal kaadu sidooca xisneh gide xeetik xisak, sarrak kaadu, gudet inki adda cooxuk xisak, gaba kalla haanam fanah too gurral xisaanama. Ta xisneh faxximma 'tam malik-makdanak yacoonay.

Qedra 6:4 ပူးပေါင်းရင်းမြစ်များ

1 Malikwa 6:36

Qibaadâ-Qarih-addah-daaratak sidooca xaay oreenihiyyay tittin bagul heenihiyyak lakal, woo xaak amo le kabul sariida coox haak bicsen. Kulli gidaarak daga raaqa aracah amma 'yaanamah tonnal bicsen.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Qedra 6:8

Oson too qari xisan waqdi, ken elle cattaanam siinil tan. Taama keenik gaba kalla haytam fanah, fanat akah aade wayta innah, taamita marah Furaat Weeqaytuk Ayrô-culma le kabut Raaqa Rakaakayak doolat gabbarah beyta lakqo dudda luk, waqlal elle ucuya.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.