Qedra 6:22 - NABUWWA KEE MALIKWA

²² Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.

Qedra 6:22 ပူးပေါင်းရင်းမြစ်များ

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Aydaad 23:18

Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

2 Aydaad 30:21

Kamiir-Sinni-Gaqamboh Qiidih Yarusalaamal gaaboowe mari woo qiidit malcina ayroh gide farci luk assakaxxuk sugen. Leewî-mara kee seeka kulli ayro YALLA baguuk faylisak sugte. Saareh yaaguren duyye kaadu meqe'nnal yoogoren.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 35:17

Tokkel too saaku gaabowwa 'ye mari Elle-Tatriyyi-Qiid kee Kamiir-Sinni-Gaqamboh Qiid malcina ayroh tokkel abak sugen.

Qedra 1:1

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruubeeh; kaadu warkatal too farmo yuktubeh ruube. Toh abaamih fayxi kaat haytem YALLA.

Qedra 6:1

Tohuk lakal inkih tan baaxok malikih yen Daryawes, «Baabelon rasul malik kutbeh buxal duma tekkem elle yuktuben kitooba tanik wagita» 'yaanam iyyeh amri yecee.

Qedra 7:27

Qedra too warkatal tanim yuble waqdi iyyeemih, «YALLAY ni kaxxa abbobti elle aamanuk sugte Dagelta kinnihiyya fayla taafay. Yarusalaamal yan kay Qibaadah-Qari malik akah yassakaxxe innah abtem YALLA.

Nacmiya 13:6

Toh tekke saaku anu Yarusalaamal masuginniyooy, Malik Artacsasta Baabelon malik edde yekke soddom kee nammayhaytoh ayrot kaa fan gexeh suge. Dago wakti sugek lakal, ruksat kaak geeh,

Yacedkel 23:23

Baabeloonuh yooboke mara kee Kaldayah yooboke maraay, Fakod kee Sowaq kee Kowaq yooboke mara kee Assuuriyah mara baaheyyo. Oson inkih, qax-maqaane le furraynay farasak qeebi abtahiyya. Baaxoh abbobti kee qaskar abbobtiiy, kaxxa-kaxxa abbootan le mara kee agiirah tan qaskar kinnon.