Qedra 6:18 - NABUWWA KEE MALIKWA

¹⁸ Muusal oobe kitab elle inxicca iyya'nnal, seeka kee Leewih yooboke mara, butta-buttah hayya heenih Yarusalaamal Yallih Qibaadah-Qarit aboonu waan taama keenih warsen.

Qedra 6:18 ပူးပေါင်းရင်းမြစ်များ

1 Aydaad 24:1

Haaruun kee Haaruunuk rade marih nasab elle yan inni, ah kaana. Naharak Haaruun lab xaylok ferey luk yen. Too ferey, Nadab kee Abiihu kee Alqedar kee Itaamar deqsitak yenen.

1 Aydaad 24:24

Quddiyeel xaylok, Miika deqsita numu; Miikâ-xaylok Saamir deqsita numu.

1 Aydaad 25:1

Malik Dawud kee kedoh abbobti, Yallih qibaada elle aban ikkel, woo qibaadak foocat gacca 'yeh absiisu waa maray Leewih yoobokehiyya dooren. Asaf kee Heeman kee Yedutun deqsita sidooca gulub akah dooreenim, *kiraraay *begena kee giyaagib aagaruk, Yalli iyyem sinaamah warsaanamih qaadak ten. Toh abu waa mari ah kaana.

2 Aydaad 35:10

Tonnal Elle-Tatriyyi-Qiidih yacoonu waan sadgatih bicak gaba kaleenik wadir, seeka kee Leewih yooboke mari, malik keenik elle iyye innal, kulli numuuy isi arac keenik yibbixe.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.