Qedra 5:15 - NABUWWA KEE MALIKWA

¹⁵ Sarrak too numuk, «Tama mingilwa beyay Yarusalaamal yan Yallih Qibaadah-Qarih gacis. Yallih Qibaadah-Qari duma elle suge aracal xis» 'yaanam iyye.

Qedra 5:15 ပူးပေါင်းရင်းမြစ်များ

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 3:3

Oson wokkel guubuh suge marak meysiteenih immay, tohuh, too aracay Yallih migaaqal sadgat elle aboonu waanahiyyah bicsak akah maraaqinnon. Too arac duma elle suge aracal bicsen. Tohuk lakal kulli ayro saaku kee carra tokkel sadgatah saq qidak yeneeniih, woo sadgatih cado cararisak yenen.

Qedra 5:14

Nabkadnessar duma Yarusalaamal-yen-Qibaadah-Qarik dahab kee lakqok bicsen mingilwa beeh sugeeh, Baabeloonul usuk isih Yalla axcuk aqbuduk yen duyyeeyah qibaadah-qarih addal heeh suge. Malik Kooris too mingilwa tokkek bahsissa heeh wadir gacseeh, Sesbaxxar deqsita numih gabal hee. Too num kaadu Yuudâ-rasih abba abe.

Qedra 5:16

Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Qedra 6:3

«Malik Kooris malik edde yekke sanatat amri yeceeh iyyeemih: Yarusalaamal yan Yallih Qibaadah-Qariy yiddigillehiyya sadgatah saq elle qidaana'gidih, nammeyhaak xisaanama. Too qarih rakiibo haanama. Yallih Qibaadah-Qari xisan waqdi fayyah lactam cusul kaa abaanama. Baguh kaadu lactam cusulih gide kaa abaanama.