Qedra 5:13 - NABUWWA KEE MALIKWA

¹³ Sarra Malik Kooris inkih yan Baabelon rasuk malik edde yekke sanatal, Yallih Qibaadah-Qariy yiddigilleh sugehiyya nammeyhaak xisa 'yaanamih amri yecee.

Qedra 5:13 ပူးပေါင်းရင်းမြစ်များ

Qedra 6:14

Nabi Caggay kee Qiddó-Zakariyya ken aydikumusak, Yahuud marih idoola kaadu is le kabuk, Yallih Qibaadah-Qarih xisnet tisissikeeh, meqe'nnal taamitak xisen. Israayil doore Dagelti elle amrissa hee innal, tonnah kaadu, Fursi deqsita rasuk malikwah ten Kooris kee Daryawes kee Artacsasta deqsitta malikwa keenik elle inxicca 'yen innal, Israayil doore Dageltah-qari xiseenih, gaba kalen.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Ermiyaas 27:22

«Ta duyye ellecabol Baabelon rasu fan dannabah beeloonuuh; anu sarra akah gacsan innah keenik abam fanah, tokkel elle sugele. Sarrak beenih sugen duyye inkih le aracah gacseyyo. Tahat yabtam yoo YALLA» 'yaanam iyye keenik exce.