Qedra 4:20 - NABUWWA KEE MALIKWA

²⁰ Cayla leelah tan malikwa Yarusalaam kee inkih yan Furaat Weeqaytuk Ayrô-culma le kabut Raaqa Rakaakay reedisak yenen. Too rasih marak gabbara kee mango lakqo beyak sugen.

Qedra 4:20 ပူးပေါင်းရင်းမြစ်များ

1 Malikwa 4:21

Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

1 Malikwa 5:1

Suur deqsitta baaxoh malik, Curam deqsitak yen. Usuk dumaak Malik Dawud kataysak ten. Curam, Suleeman isi-abbah aracal gacem yoobbe waqdi, farmô-mara kaa fan ruube.

1 Malikwa 5:4

Awayah tu gactek, YALLAY yi Dagelta kinni deraafil yan mara lih amaanah yoo xiinisa. Naqboytit mayyuuy, akak gadaamitam kaadu mayyu.

1 Aydaad 18:13

Sarrak inkih yan Edom rasul qaskar heeh, tohuk wadir tokkel suggu 'ye mara Dawud gubat hee. Dawud elle gexinnaan ikkel abinnaan qeebil YALLI nasri kaah acayuk yen.

1 Aydaad 18:3

Suuriyah malikiy migaaqah Hadad-Qeder deqsitak yenehiyya Furaat weeqaytuk daga raqta exxat raqta baaxo isi gubat gacsa'gidih gexak suge waqdi, Dawud qeebi kaat abe. Hadad-Qeder, Xooba deqsita rakaakayak abbah yen. A rakaakay elle geytimam Cammat deqsita rakaakayih xaquk ten.

1 Aydaad 18:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah acayuk raaqe. Dawud qeebi elle abinnaan ikkel, YALLI nasri kaah yecee.

1 Aydaad 19:19

Malik Hadad-Qeder gubat sugte malikwa Israayil mari carbil keenik yeysem yoobben waqdi, Dawud lih bica haysiteeniih, kay gabah gacen. Tohuk wadir Suuriyah-mari Qammon-mara carbil cataanamak raaqen.

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 9:14

Tohuk kalah kaadu, limo kee badaaqat aba marak gabbara beyak yen. Qarab baaxoh malikwa kee Israayil rakaakayittel abbobtih yen mari kaadu lakqo kee dahooba kaah baahak yenen.

Qedra 4:13

A magaala nammeyhaak xissinteeh, teetit maroh gactu wayta gasoh xisnek gaba kalen ken tekkek, gabbarat geyak ten lakqo mageyta.

Qedra 4:16

Tonnal ta magaala nammeyhaak xissinteeh, teetit maroh gaso heen ken tekkek, Furaat Weeqaytuk Ayrô-culma le kabut Raaqa Rakaakay ku abbootanih gubat raaqe wayu waam naharal elle koh warisna» 'yaanam elle yuktuben warkat kaah ruuben.

Qedra 4:19

A caagidik adda wagtu waa mara ruubeeh; Yarusalaam mari dumî-dabaanaak malik xintol saduh sugeeh, Yarusalaam magaala gaadile kee umeynit dabqik sugtem teetik geytinteh.

Qedra 4:21

Taway isin, anu nagay yan amri siinih aceem fanah gexay, ‹Ahaysa ama magaalah xisne eyseedeya› keenik inxica.

Qedra 7:24

Yallih Qibaadah-Qarih taamat yan marak seeka takkuu, Leewih yooboke mara takkuu, hinnay kaadu, saare aba mara takkuu, dacayrih yanoonuu, hinnay kaadu, kalah tan taama wokkel aba mara takkuu, hinnay kaadu, a qarih taamak faxe taamah taamitta 'ya marak qusuur numuk mabena. Tah intam yoo Amoyta Artacsasta.›

Yacedkel 19:11

Ludwa akak kaxxam digga le; malik caxxa akak yirgiqen. A caxa kaxxam tenbeh ten, qamburre fan guftam faxxe. Mango luud kee xexxar teetik kulli numih inti tuble.