Qedra 3:10 - NABUWWA KEE MALIKWA

¹⁰ Xisne aba mari, YALLIH Qibaadah-Qarik rakiibo heen saaku, seeka dallaabiyat gacca teh, *baanta gabat luk, elle sooloonu waan arac yibbixen. Leewi deqsitta kedok Asaf deqsita gulubuh yooboke mari kaadu, giyaagib gabat luk, keenih heen aracal soolen. Too waqdi Dawud dabaanak raqte qaadal akah abak yenen innal, YALLA saarisen.

Qedra 3:10 ပူးပေါင်းရင်းမြစ်များ

1 Aydaad 15:27

Dawud nabam xagar meqe *baftak bicsen sartanat gaceeh; Leewih yooboke maray Sandug akkuquk yenehiyya kaak kaxxih, too bis le sartanat gacen. Tonnah kaadu, saare abak yen mara kee, keenik abbah yen Kananya too xaqan le sartanat gacen. Dawud too sartanak kalah *baftak bicsen saroy rikeek tanihiyya isit heeh yen.

1 Aydaad 16:37

Dawud, Asaf kee kay wadayah yen Leewih yooboke mara YALLIH Qahdih-Sandug elle tani'kkel aban dooqak abbobtih ken hee. Oson too aracal kulli saaku Yallih taama abaanam taamah luk yenen.

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.

1 Aydaad 23:5

Kaadu too soddom kee bacra alfik affara alfih num taamah yaallu waam, Qibaadâ-Qarih afah dacayri kee, affara alfih num kaadu YALLA saarisu waa mara akkele. Kaa saarisan waqdi, yaaguren duyyey anu keenih bicsehiyya aagaruk abelon» iyye.

2 Aydaad 35:14

Tohuk gaba kalen waqdi, Leewih mari isinni kee Haaruunuk rade maray seekâ-nasab lehiyyah cado bicsen. Toh akah abeenim, seeka bari tikka 'yam fanah carrisan sadgat xayyoosak, xayta cararisak sugen.

2 Aydaad 35:15

Leewih marak Asaf gulubut raaqa maray Yallih fayla abahiyya dumaak Dawud kee Asaf kee Heeman kee Yedutun keenih heeh suge aracal gacen. Yedutun Malik Dawuduh Yallak temeete farmo baahak yen nabik ten. Qibaadâ-Qarih afal dacayrih mari isi arac macabinnay dacayrit elle yeedeeh; Elle-Tatriyyi-Qiidih taama Leewih mari ken aftok keenih abe.

2 Aydaad 5:12

Leewih ubukka 'ye marak saare abak ten Asaf kee Ceeman kee Yedutun akak axcuk yenen labha kee, oson akah yooboken gulubut raaqak yen mari inkih, too saaku sartanah *baftak bicsen meqe sarot gaceeniih; sadgat elle aban mansafak ayrô-mawqa le kabut, kirar kee *begena digirak giyaagib aagaruk soolen. Bool kee labaatanni seekiy *baanta aagaruk ken xaqut soolak yenen.

Qedra 5:16

Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Caggay 2:15

«Tonna leemiik ahak wadir cubbusa; tahak sarra caalat dumî-bis siinil mayalla. Yi Qarih xisne qimbissaanak duma,

Zakariyya 4:10

Taway fan aben qarih xisne qunxa intit maballina. Darabbabel xisne makot tanim kee ane waytam elle yaaxigen akat gabat luk yabloonu waan waqdi, ruffa axcelon» 'yaanam yok iyye. «A malcina faanus, Yallih malcina intiy a addunyal tikka tam edde yablehiyya» yok iyye.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Zakariyya 4:7

Qaleh innah kaxxaamay gibdaabina lehiyya kol xabbacooseyyo. Yi Qibaadah Qari atu xisetto. Qari xisnek gaba kaltuh ellecabô-xaa haytu wayta saaku, ummat anay fayya haak farcatah, ‹YALLIH maqaane a qaril tanay!› axcelon, 'yaanam kaak inxic» yok iyye.

Zakariyya 6:12

Too waqdi kaak intaamah, ‹Ludda deqsita num saadeleeh, abinnaanim gabal kaak bicele. YALLIH Qibaadah-Qari nammeyhaak xisele.

Zakariyya 7:3

Tohuk kalah kaadu, seeka kee nabuwwa essero esseraana'gidik ten. «Taham maa esserooy?» inteenik, «Dumaak mango sanatah akah abak sugne innah, konoyhaytoh alsat soom maay abnoo?» 'yaanam esseraana'gidik ten.

1 Samuwel 22:18

Toh yuble waqdi Saawul Dowegik, «Atu ken qid» iyye. Too waqdi Doweg too seeka inkih qide. Too ayroh addat Doweg bacra-taban kee koona sek qide.