Qedra 2:69 - NABUWWA KEE MALIKWA

⁶⁹ Too taama takke'gidih, dudda haanam abeeniih, tohih cato yeceen. Ta duyye tittat dahabak koona boolih kiilo kee, lakqok kaadu namma alfi kee bacra boolih kiilo kee, bool dallaabiyyay seeka haytahiyya mattacoh yeceen.

Qedra 2:69 ပူးပေါင်းရင်းမြစ်များ

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

1 Aydaad 22:14

Qibaadâ-Qarih xisneh tiyakaa, innih akah taqabba exceh; a qaril haytu wayta dahabak sidiica malyoonih kiilok fula yakke dahab kee, soddom malyoonih kiilok fula takke lakqo gaabossa heeh cabeh an. Tohuk kalah kaadu, loowo sinni nacaas kee biriita a qarih xisneh gaaboyseh an. Tonnah kaadu xisnê-coox kee xeetik mangom gaaboyseh ani'mmay ahak raqtam atu isih edde osissaama.

1 Aydaad 29:7

Too mari tittat yecee duyye; dahabak bool kee malcina-tabanih alfih kiilok fula takkem kee, lakqok kaadu sidooca bool kee morootom alfih kiilok fula takkem kee, nacaasak laca boolih alfi kee labaatanni kiilo takkem kee, biriitak kaadu sidiica malyoon kee affara alfih kiilok fula yeceen.

Qedra 2:68

Ta mari Yarusalaamay YALLIH Qibaadah-Qari elle yanihiyya gufen waqdi, gulubwah saqoltik garab, Qibaadâ-Qari duma elle suge aracal nammeyhaak edde xisoonu waan mattaco yeceen.