Qedra 2:64 - NABUWWA KEE MALIKWA

⁶⁴ Marin baaxoy elle sugeenihiyyak Israayil marak yuduure mari tittat morootom kee namma alfi kee sidiica bool kee lactam num akkuk yenen.

Qedra 2:64 ပူးပေါင်းရင်းမြစ်များ

Qedra 2:63

Tohuk gexxaamah Yuudâ-baaxoh abba, «Urim kee Tummim deqsitta duyye qida sek yamaatem fanah, Yallih migaaqal sadgatah xayyoosan maaqo takmeenimih idni manton» keenik iyye.

Qedra 2:65

Oson taamat luk yenen maray ken lih yuduurehiyya sayim kee labimih fanal malcina alfi kee sidiica bool kee soddom kee malcina num akkuk yenen. Say mara kee lab maray gad kee saare abahiyya namma boolih num akkuk yuduure.

Qedra 9:8

«Tonna'mmay YALLAW, ni Dageltaw, dago uddur kinni way, maqaaneh addat nee sugusse. Baatik saaboh raaqe marak edde sugne naqoosinnak nee kalteh. A baaxoy taahirik tanil amaanah nee tabbixe. Edde sugne naqoosinnak dagom kalla nee hayteh, qusba manot nee hayte.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.