Qaamus 3:15 - NABUWWA KEE MALIKWA

¹⁵ Cagayak-cagay elle gacan qarwa kee, gilalak-gilal addal akak dabaaqah gacan qarwa keenik bututtukka heeyyo. Dakani moddiinit bilqisen qarwak tu maraqtay, bututtukka axcele. Mango qarwa addigilleleeh, suge wayteh innah gacele» 'yaanam YALLI iyya.

Qaamus 3:15 ပူးပေါင်းရင်းမြစ်များ

1 Malikwa 22:39

Wohuk kalah taniimiy Acab abba heehiyya inkih, kay qariy dakani-qaagak bilqiseeni kee usuk xissa hee magaaloolih aydaad inkih, Israayil-Malikwah-Aydaada deqsita kitaabal yunkuttube.

Yasaqya 5:9

Anu YALLAY Nabaamak Nabahiyyak inni aytih oobbeemih, «Ama kaxxa qarwa abuuruh raaqeleh, sahdayti addal akak maraaqa.

Ermiyaas 36:22

Toh edde tekkem gilalak teneeh, warkat kaah yikriyen waqdi, gilalak-gilal elle gaca aracal giral is laqisak suge.

Qaamus 2:5

Tonna-leemiik Yuudâ-baaxot gira ruubeyyo. Yarusalaamal tan megdebitte carariseyyo» 'yaanam iyya.

Qaamus 3:11

Too umaane kee baatiliy oson abaanahiyyak gexxaamah, qaduwwi baaxo keenik marot heeleeh, naqboyti culaamak magaaloolit maroh sugte gasoosa butukka keenik heeh qarwa keenik buubele. Tah intam yooy YALLAY Mulki le kinni.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Qaamus 6:11

«Tonnal YALLI elle amrise'nnal, qunxa qarwa kee kaxxa qarwa addigillele.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».

Makaabon 3:20

Too waqdi malik isi qari amol xisen xabca le qarik addal yen. Eehud malik fan xayyowwa 'yeeh, «Yallak koh temeete farmo koh abbixe» iyye. Toh yoobbe waqdi malik solla 'ye.