Nacmiya 9:6 - NABUWWA KEE MALIKWA

⁶ YALLAW, Yalli dibuk koo. Qaran ginteeh; qaraanal tan cutuuka inkih gintem koo. Baaxo kee baaxol tanim inkih ginte; bad kee badat tanim inkih ginte. Rooci leemit inkih rooci haytem, koo. Qaraanal eneyya 'tam qibaada koh abta.

Nacmiya 9:6 ပူးပေါင်းရင်းမြစ်များ

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

1 Malikwa 8:27

«Yi Dageltaw, baaxo koo tabbixeemih dudda geelee? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

2 Malikwa 19:15

YALLA kallace. Dooqah iyyemii, «YALLAW, Israayil doore Dageltaw, ku dardaarinnih korsi galwa leemik daga raqta. Addunya xiinissam, kooy; kook sah Yalli mayan. Qaran kee baaxo gintem koo.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

Nacmiya 9:5

Leewih yooboke marak Yaasuwa kee Kadmiyal kee Baani kee Casabnaya kee Sereebiya kee Hoodiya kee Sebanya kee Fatacya deqsita num iyyeemih, «Ugutay YALLAY sin Dagelta kinnihiyyay kulli way waarahiyya faylisa» iyyen. Dooqah iyyeenimii, «Kooh taguude fayla sahdayti afat takke faylak nabuk raqta'mmay tohuh, ku migaaqay nabna lehiyya kulli way faylisoonay.

Yasaqya 37:16

«YALLAW, Israayil dooreh, Nabaamak Naba Dageltaw, ku dardaarinnih korsi galwa leemik daga raqta. Addunya xiinissam kooy; kook sah Yalli mayan. Qaran kee baaxo gintem koo.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yasaqya 43:10

YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 45:12

Baaxo tuklukem yooy; baaxol gaca'gidih sahdaytu tuklukem yoo. Qaran inni gabat fidise; ayrooy alsa kee cutuuka yi milkih tan.

Ermiyaas 32:17

«Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Yacedkel 20:11

Duuduse num waar akak geya'gidih, amri keenil oobiseeh, xintoh haysitoonu waan madqa keenih ruube.

Yoonas 1:9

Yoonas keenil gacsemii, «Akah oobokem Qibraayisti. Elle aaminem YALLA. Usuk qaraanal yaniih; baaxo kee bad inkih gintem kaa» keenik iyye.