Nacmiya 9:32 - NABUWWA KEE MALIKWA

³² «Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

Nacmiya 9:32 ပူးပေါင်းရင်းမြစ်များ

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Malikwa 25:7

Xaylo kaak foocal elle yusguudek lakal, «Kaak namma inti eyyeeqa» iyyeh; yeyyeeqeenih. Sarrak nacaasak bicsen silsilat kaal hayya heeh, Baabelon fan seewah kaa bee.

Qedra 4:2

Too waqdi Darabbabel kee gulubwah saqolti fanah yemeeteeniih iyyeenimih, «Sin kee nee naqbudem inki Yalla. Assuuriyah malikih yen Isar-Caddon, dabaaqah akkel gacna'gidih, akke nee rubbu heemiiy akke fan, sin Dageltih-migaaqal sadgat abak sugne. Away kaadu Yallih Qibaadah-Qarih xisnel sin catnuh nemeete» iyyen.

Qedra 9:13

Ni Dageltaw, abneh nan kaxxa dambi kee umaanek gexxaamah, digaala net tekkek sarra kinni way, ni umaane takkeh gidel nee madigaalinnitooy, baye marak saaboh sinam cabte.

Nacmiya 1:5

exceemih, «YALLAW, Qaraanal yan Dageltaw, atu naba Dagelta kinnitooh; nanu kok meysinnah. Koo kicna mara kee ku amri oggola mara lih abte bica xagura Dagelta kinnito. Woo mara luk lito kacani mayambaxa.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Daaniyel 9:6

Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.

Daaniyel 9:8

YALLAW, nee kee ni malikwaay ni miracwa kee ni kaxxa abbobti dambi lem kol bahneemih sabbatah, edde nanim wacarriyi.