Nacmiya 9:20 - NABUWWA KEE MALIKWA

²⁰ Litoh tan maqaaneh, abeh meqem keenih warisse. Yakmoonuh manna deqsitta maaqo qaraanak keenih oobisse. Yaaquboonuh lee keenih tecee.

Nacmiya 9:20 ပူးပေါင်းရင်းမြစ်များ

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.

Yoosuwa 5:12

Manna deqsitta maaqo too ayrook wadir qaraanak oobak maraaqinna. Tohuk wadir Israayil mari manna akamuk maraaqinna. Too ayrook xabba haanam Kanqaan baaxol tooboke daro akamuk raaqen.