Nacmiya 7:73 - NABUWWA KEE MALIKWA

⁷³ Seeka kee Leewih yooboke maraay, Yallih Qibaadah-Qarit dacayrih yen maraay, Yallih Qibaadah-Qarih addal saare abak yen mara kee, gersi maray Yallih Qibaadah-Qarih taamat yenehiyya kee raqqa iyye mari yakkeemiik isinni magaaloolil nookeeniih, dabaaqah elle gacen. Malcinhaytoh alsat Israayil marak uduurra ye mari yakkeemiik mariiy isi magaalal keenik nookeh yen.

Nacmiya 7:73 ပူးပေါင်းရင်းမြစ်များ

2 Malikwa 7:10

Too waqdi wokke cabeenih gexen. Sarrak Samaariyah-magaala yemeeteeniih gasoh afal suge qaskariitah seecen. Iyyeenimii, «Nanu Suuriyah-marih arac genxeeh wokkel num maballinooy, numtin anay kaadu maabbino. Faariisa kee danoona axawat teneeh, siraqwa kaadu Suuriyah mari elle cabba hee innal ten» iyyen.

1 Aydaad 9:2

Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

Qedra 2:70

Seeka kee Leewih yooboke mara kee, tonnah kaadu, gersi marak tu takkem dabqih Yarusalaam dariifa kee Yarusalaam addal gacen. Gad kee saare aba mara kee, Yallih Qibaadah-Qarit dacayrih yen mara kee, tonnah kaadu, Yallih Qibaadah-Qarit taamah yen mari dabqih Yarusalaam dariifal ten magaaloolil gacen. Tohuk raqqa 'ye mari duma ken kaxxa abbobti dabqih elle sugte magaaloolil gacen.

Qedra 3:1

Malcinhaytoh alsat kulli num isi magaalal keenik dabaaqah gace. Tohuk lakal yakkeenimiik Yarusalaamal gaaboowen.

Nacmiya 11:3

Seeka tanuu, Leewih yooboke mari yanuu, Yallih Qibaadah-Qarit taamita mari yanuu, Suleeman buxah taamitak yen marih ramad yanuu, wohuk kalah, raqqa 'ye maray Israayilih ubukka iyyak numuuy isi kaxxa abbak raqte magaalal isi guubul keenik gace. Yuudâ-rakaakayak saqoltih yen maray Yarusalaamal dabqih gacehiyya ah kaana.