Nacmiya 7:6 - NABUWWA KEE MALIKWA

⁶ Duma seewah been marak rade marak, Yarusalaam kee Yuudâ rasu fan yuduureh suge marih migaq ah kaana. Ta mari akak rade mari yakkeemiik inkih Nabkadnessar deqsita Baabelon-malik seewah beeh suge. Too saakuk xabba haanam too baaxol, baaxo caboytiitih sugen. Isinni baaxo gufen waqdi, kulli numuuy isi magaala fan keenik gaceh yen.

Nacmiya 7:6 ပူးပေါင်းရင်းမြစ်များ

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Qedra 6:2

Too goran yekkeeh; sarrak Meediya deqsita rakaakayal geytinta Acmata deqsitta inaytâ-magaalal, yuktuben arabay xambaqut yani geen. Too arabih bagul kutbeh tenemiiy ahak ten:

Nacmiya 1:3

Too mari yok iyyemii, «Baabeloonuk saaboh isi baaxo fan yuduure mari kaxxa gadaamah addat yaniih; woo baaxol suge mari ken bursutah. Yarusalaam magaalat maroh tan gasoosay tiddigillehiyya uxih bicsa mali. Magaalah adda akak culan culmay duma carriseenihiyya uxih bica magenna» 'yaanam yok iyyen.

Nacmiya 7:7

Yuduuren saaku keenik saqoltih tenem, Darabbabel kee Yaasuwa kee Nacmiya kee Qadarya kee Raqmiya kee Nacmani kee Mordakay kee Bilsan kee Misfarat kee Bigwa kee Nacum kee, tonnah kaadu, Baqna deqsita numuk ten.