Nacmiya 7:2 - NABUWWA KEE MALIKWA

² Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

Nacmiya 7:2 ပူးပေါင်းရင်းမြစ်များ

2 Samuwel 23:3

Israayil doore Dagelti yaabeeh ken dacrisa Dagelti yok iyyeemih, ‹Qadaalat ummatta xiinisaah Yallih meysit xiinisa malik

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

1 Malikwa 18:3

Tonna-leemik Acab, Qobadya-deqsita-numuy malik-qarih-abbah yenehiyyah seece. Qobadya YALLIH meysi xagarat le numuk ten.

Nacmiya 1:2

Canaani deqsita yi toobokoyti Yuudâ-rasuk dago mara luk yemeete waqdi, Baabelon rasu fan seewah beenih sugen maray Yarusalaam fan yuduurehiyya kee Yarusalaam magaala elle tan innih xaagu keenik abe.

Nacmiya 13:13

Tohuk lakal too gaaboysen duyye elle tan qarwah taamak abbobtih, sek Selemya kee xinto elle tan innah adda aaxaguk yen Saaduk kee, Leewih yooboke Fadaaya deqsita num hee. Tohuk kalah Dakkúr-Canaan deqsita num ken cata'gidih hee. Canaan, Mattanya deqsita numuk baxi baxak ten. Ta mari aamanti le marak teneeh; ken toobokoh gaaboysen maaqo ken wadbise loonumuh ken eemeneh en.

Nacmiya 2:8

Tonnah kaadu, ku garbot dacayrih yan numuy Asaf deqsitahiyyah warkat yoh aktubetto» kaak exce. Woo warkatal farmoh intaamah, ‹Yallih Qibaadah-Qarik xaqut yan reebuk xisen qarih afah alifuh edde heen coox kee, magaalat maroh yan gidaar edde xisan coox kee, kalah kaadu, anu dabaaqah edde gacu waa qarih coox yoh ucuya› 'yaanam kaak yoh inxic» kaak exce. Yalli yo'lih yeneemih sabbatah, malik anu kaa esserem yoh abeh.

Nacmiya 5:15

Yok duma sugte abbobti ummattal kaxxa quuka hayteh teneeh; maaqo kee qinab kamri keenik beenih, wohuk amol fula ummattak ayrol morootom garsi beyak sugen. Keenik gubal taamita mari kinni way ummatat umuk sugen. Anu Yallih meysi luk eneeh, ken innah yan numuk mananniyo.

Nacmiya 7:3

Ken nammayak exceemih, «Maaci meqe innah maacissa 'yeh ayro eweqqa 'tam fan, Yarusalaam magaalah afoofa mafakinaay; ayro cultam faxxa waqlay dacayrih qaskar gexxahiyyak duma alifay; adda le kabuk tabtabbih edde alfan coox haysita» keenik exce. Tohuk kalah kaadu keenik exceemih, «Yarusalaam addal buxah yan marih addak dacayrih gacu waa mara dooraay; too marak tu takkem elle taamitan aracal dacayrih gactay, raqtem kaadu isinni qarwah dariifal dacayrih gacoonay» exce.

Daaniyel 6:4

Tohih sabbatah kaa'lih sinam wagittot heen mara kee baaxoh abbobti, Daaniyel baaxo meqe'nnal xiinisuh abah yan taamat qellat kaak geyaanamih goranat gacen. Takkay immay Daaniyel qellat kee ayrisiyya celtaamak tu'bagul geytimak manannay, tonna leemiik hebeltô-qellat kaat magennon.