Nacmiya 6:18 - NABUWWA KEE MALIKWA

¹⁸ Toobiya Yuudah yooboke numih baxá abbaxuk yeneemih sabbatah, Yuudah yooboke mari mangih kay qaxat yen. Usuk baxá akak abbaxuk yenem, Arác-Sekanya deqsita numuk ten. Kay baxi Yahoocanan kaadu Barkiyyá-Masullam deqsita numih baxá abite.

Nacmiya 6:18 ပူးပေါင်းရင်းမြစ်များ

1 Aydaad 3:21

Cananyak rade mari ah keeni: Falatya kee Yasaqya kee, Rafaayâ-xaylooy Arnan-xaylooy Qobadyâ-xaylo kee Sekanyâ-xaylo.

Nacmiya 3:30

Selemyá-Cananya kee Cannun deqsita numuy Xalaf deqsita numuk lab xaylok leceyhaytô-baxah yenehiyya wokkel katayta exxa bicsen. Oson taamiteenimih, tah nammeyhaytoh addak ten. Barkiyyá-Masullam deqsita num kaadu wokkel katayta exxay kay qarik foocah tanihiyya bicse.

Nacmiya 3:4

Uriyyá-Mareemot deqsita numuy Hakkox deqsita numuk baxi baxah yanihiyya woo exxal katayta exxa bicse. Barkiyyá-Masullam deqsita numuy Masedbal deqsita numuk baxi baxah yanihiyya ciggilta exxa bicse. Baqná-Saaduk kaadu ciggilta exxa bicse.

Nacmiya 6:17

Tah inkih tikka tam fanah Yuudak saqoltih yan mari Toobiya deqsita numih qalla yirgiqeenih manannonuuy, waraakit kaah aktubuk yenen. Usuk kaadu keenih aktubuk yen.

Nacmiya 6:19

Mango mari, «Toobiya woh abeeh ah abe» axcuk kay maqaanet yi garil yaabak yen. Anu too waqdi excem kaadu beyya heenih kaah warisak yenen. Tohuk gexxaamah usuk meysisso elle tan waraakit kulli way yoh ruubak yen.