Nacmiya 6:10 - NABUWWA KEE MALIKWA

¹⁰ Ayrok teena Dalaayá-Samaqya deqsita numuy Maahetbal deqsita numuk baxi baxah yenehiyyah buxa gexe. Too num buxah addak yawqem duudak mananna. Buxa kaak emeete waqdi yok iyyeemih, «A mari koo qidam faxak, Yallih Qibaadah-Qaril nangooroway; Taahirik-yan-Aracat nambooqoray; Qibaadâ-Qarik afa ninnit alifnay. Koo qidaanam faxaanaah; bar amma 'yeenih koo qidaanam faxan» yok iyye.

Nacmiya 6:10 ပူးပေါင်းရင်းမြစ်များ

1 Malikwa 6:5

Qibaadâ-Qarik dariifat qunxa qarwa xiseeh; too qarwa iro le kabuk Qibaadâ-Qarit xakabuh raaqak ten.

2 Malikwa 11:3

Lica sanatah Yahoosebqa awki-amo dacrisak, qibaadah qarih addat uqrat kaa sugusse. Qatalya too laca sanat malikáh sugte.

2 Malikwa 9:8

Acabak radda 'tem kee kay buxah mari inkih rabam keenil tan. Kaak radda labhak baacoytit takkuu, gaddaloola takku, inkih ken bayseyyo.

2 Aydaad 28:24

Acad kaadu YALLIH Qibaadah-Qaril sugte duyye wokkek beeh, rike-rikeh kureeh, Qibaadâ-Qarih afoofi alfe. Yarusalaam magaalah gitittek xaqul sadgat elle aban arooca xise.

2 Aydaad 29:3

Ciskiyyaahu malik edde yekke sanatal, sanatak naharsi alsat YALLIH Qibaadah-Qari akak culan iro le kabut raqta culmah alfintitte fakka heeh bicsiise.

2 Aydaad 29:7

Yallih Qibaadah-Qarih afa alfeenih, addal sugte faanuswa bargusen. Qibaadâ-Qarih addal qaydarus qeerisaanam kee cararisen sadgat yeceenim cabeenih.

Qedra 10:31

Caarim deqsita gulubuk Elqeeder kee Yissiya kee Malkiya kee Samaqya kee Simqoon kee Benyam kee Malluk kee Samarya deqsita mari abbaxuk suge.

Qedra 8:16

Saqoltih yen marak sagla numuh, «Ama» 'yaanamih farmo ruube. Tohum, Elqeeder kee Ariyal kee Samaqya kee Elnaatan kee Yaarib kee Elnaatan kee Naatan kee Zakariyya kee Masullam kee, kalah kaadu, Yoyyaarib kee Elnaatan deqsitta namma kabiirik ten.

Nacmiya 6:12

Sarrak cubbussa hee waqdi, ah Yalli kay afat hee yab hinnay, Toobiya kee Sanballat guqul kaah teceeh, kaak inxica intem kinnim geeh.

Ermiyaas 36:5

Tohuk lakal Ermiyaas kaak iyyemii, «YALLIH Qibaadah-Qari fan gexaamak yoo waaseenih immay,

Yacedkel 3:24

Takkay immay Yallih *Roocaaniyya xagarat yok gacteeh; edde soola qande yot hayte. YALLI yok iyyeemih, «Buxah gexay qari isit alif.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.