Nacmiya 5:5 - NABUWWA KEE MALIKWA

⁵ «Nanu Yahuud mara kinninooh, ken kee nee inki ginsik nani'mmay, tohuh, ninni xaylo naqoosa takke'gidih dirkisna; say urri naqoosannuh limmosne. Baqurê-baaxo kee qinab elle nabqure baaxo nek beeniih; nee cattam magennino» iyyen.

Nacmiya 5:5 ပူးပေါင်းရင်းမြစ်များ

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 58:7

Takmen maaqo qulula mara lih haysita. Qari sinni marah isinni qarih afa faka. Sartanah xagarat haam sinni marah sartan acuya; mare siinih le maral litoonum macinina.