Nacmiya 4:10 - NABUWWA KEE MALIKWA

¹⁰ Yuudâ-mari aba qadar luk yen. Qadarah axcuk yenemii: «Taamita mari nek taqbeeh, maqar cabeenih, taaneenih. Abuuruh raaqe gidaarih xeetik weero nee taqbisse; tamurruqe taama hinna» iyyen.

Nacmiya 4:10 ပူးပေါင်းရင်းမြစ်များ

2 Aydaad 2:18

Too marak malcina-tabanih alfih num a namma qari edde xisan duyye baahaanamih taamat heeh; bacra-tabanih alfih num kaadu qaleelak xeet yaggileeniih missoysaanamih taamat hee. Too mari meqe innah missat taamitem kee taamite weem wagtu waa marak amol, sidiica alfi kee lica boolih num keenik hee.

2 Aydaad 34:13

Wohuk kalih mariy Leewih yoobokehiyya xisne edde aban duyyeh beyto kee, mango qaynatah tan taamat yan marih amô-wagittot yenen. Wohuk kalah yan mari kaadu taamak tekkeemih kutbe kee Qari dacayrit yenen.

Nacmiya 4:11

Ni naqboytit kaadu iyyeemih, «Garcik keenil gexxaay, maysattaka keenit abbaay, taama akah solta innah qidda ken haynam fanah, mayaaxigaanaay mayablan» iyyen.

Nacmiya 4:2

Isi kataysis kee Samaariyah qaskarih foocal, «A Yahuud-gulalwa abtam macaay? A magaala nammeyhaak xiseloonum maay yakkalen? Sadgat abeenik sa inki ayrot xisnek gaba kaleloonum yakkaleeni innaa? Tittin bagul yan yiddigille xeetiy cararehiyyak gasoosa xiseloonum yakkaleeni innaa?» iyye.

Nacmiya 4:9

Nanu ninni kabuk kaadu ni Dagelta fan dooqa abak sugneeh; bar kee laqoh ken mamaata wagtu waa mara dacayrih hayne.

Yacedkel 29:18

«Bani-adantow, Baabelon malikih yan Nabkadnessar Suur-magaalal qeebih gaba qideh yan. Isi qaskar amo xagortak muxcah raqqaay sunku keenik dalletta 'tam fanah, quukat yabbixe. Takkay immay a gid yakke cawalay edde yaniinihiyyah kaa kee kay qaskarak galto num mageya.

Caggay 1:2

YALLAY Nabaamak Nabahiyya Caggayak iyyeemih, «Ama mari, ‹YALLIH-Qibaadah-Qari edde xiseh meqe wakti ahayduma uxi magufinna› 'yaanam iyyaanak,