Nacmiya 13:31 - NABUWWA KEE MALIKWA

³¹ Tonnal kaadu, sadgatah qiden saqih cado elle alaysan boco, yaaxigen waktil baahaanam bicsiteeh; ummat kaadu naharat luuqusen daro kee naharat alaye caxâ-miru sadgatah baahaanam bicsite. Sarrak «Yallaw, ta abba haam inkih yoh ubulaay, tahimih galto yoh ixig» exce.

Nacmiya 13:31 ပူးပေါင်းရင်းမြစ်များ

Nacmiya 10:34

Nanu inkih tan Israayil xaylooy, axcih kaadu, Israayilih taabuke seeka kee Israayilih yooboke Leewih marak, Yallih xinto elle inta innal, YALLAY ni Dageltah yanihiyyah sadgatah qidan saqih cado elle carartu wayta boco baahu waa marah saami caxxa gulub-gulubul qidenno. Too boco kulli sanatal yaaxigen waktil baahenno.

Nacmiya 10:35

Kulli sanatal darok naharat orobta daro kee, caxâ-miruk naharat yooboke caxâ-miraytu YALLIH Qibaadah-Qari fan sadgatah beyaanam fardih nel tan.

Nacmiya 10:38

Seekak, Haarun deqsita kaxxa seekik rade mari, Leewih yooboke mara luk gacca 'yeh, woo diini qaadah gaaboysan duyye gaaboysoonay. Too duyyey gaaboyseenihiyyak tabanhaytoh af, Leewih yooboke mari Yallih Qibaadah-Qarik duyye edde daanisan golih addat daanisoonay.

Nacmiya 13:14

«Yallaw, anu abam yoh ubulaay; koo elle yaqbuden qari kee tet addal koo yaqbudoonuh baguuk abah an taama foyya maabin» exce.

Nacmiya 13:22

Tohuk lakal Leewih yooboke marak, «Taahirrowwa 'xicay, sabti ayro taahirik tan ayro kinnuk, sahda qiidih akah assa innah, magaalah afat dacayrih gaca» keenik exce. Tohuk gaba kale waqdi, «Yallaw, tahal yoo kassit. Ku kacni kaxxa kacanu. Tonna kinnuk, yoo wad» exce.

Nacmiya 5:19

«Yi Dageltaw, a marah baguuk abam foyya yok maabin» axcuk Yalla kallace.