Nacmiya 13:28 - NABUWWA KEE MALIKWA

²⁸ Yoyaadaq kaxxa seekih yen Elyaasib baxak yen. Takkay immay kay baxi Sanballat deqsita numuy Beet-Coron deqsitta magaalal yoobokehiyyah baxál digibe. Tohuk gexxaamah Yoyaadaq Yarusalaam magaalah addak eyyeeqeh.

Nacmiya 13:28 ပူးပေါင်းရင်းမြစ်များ

Qedra 10:8

«Gulubwah saqolti titta geytaamah: ta amri oobba heeh sidooca ayroh addat amaate wee numuk edderra heem kaak beelon. Toh lih kaadu Israayil numuh maraaqay kedok awqele» 'yaanam axcuk keenih ruuben.

Nacmiya 12:10

Yaasuwa, Yoyaakim xale; Yoyaakim Elyaasib xale; Elyaasib Yoyaadaq xale;

Nacmiya 12:22

Sek Elyaasib kee sek Yoyaadaq kee sek Yocanan kee sek Yadduqa deqsita sek addunyal elle anih, Leewi kee seekah yaabuke marih migaq yunkuttubeh yen. Ta affara sek addunyal anih, kaxxa seekak yenen. Takkay immay Daryawes deqsita num, tu edde taade Fursih malik yekke ayrok wadir migaq kutbe gaba kalte.

Nacmiya 13:25

Too mara kaxxam essecekkeeh; abaaro keenit abeeh; keenik garab oogoreeh; moyyak xagor keenik muguse. Sarrak, «Tahak wadir sin kee isin xalten xaylo marin baaxoh marat rihim faxe waytoonuh Yallih migaaqal xiibita» exceeh ken xibsiiseh.

Nacmiya 2:10

Sanballat deqsita numuy Beet-Coron deqsita magaalal yooboke kee Toobiya deqsita numuy Qammon rasul doolat saqalah yenehiyya, Israayil ummatah meqe taamat asam faxa num yemeete 'yaanam yoobben waqdi, kaxxam faxe cineenih.

Nacmiya 2:19

Sanballat kee Toobiya kee uli Qarabtoytay migaaqah Gesam deqsitahiyya nanu abnam fanxam yoobben waqdi, asalah nel hayya heeniih, «Away abtaanam takkaleenim macaay? Malikik naqboytit isinni abtaanam faxxaanam hinna!» anqaasak iyyen.

Nacmiya 3:1

Magaalak gasoosa elle xisnem annak ten. Eliyaasib deqsita num kee kaal luk tan seeka taama qimbisak, Illi-Afa deqsitta afa xisen. Too afah xisnek gaba kalen saaku, afa Yallah taahirroyseeniih; culmah alifih edde haan coox edde heen. Seeka, sahda akak yabloonuh xisen Bool-Qari deqsita qarik xabba haanamaay sahda akak yabloonuh xisen Cananal-Qari fanah amma 'yaanam, a gaso Yallah taahirroysen.

Nacmiya 4:1

Sanballat deqsita numuh tu gactek, nanu Yahuud marak tiddigille gaso xisnam yoobbe waqdi, bagul nabam yinqibeeh, too waqdi nel anqaaseh.