Nacmiya 13:25 - NABUWWA KEE MALIKWA

²⁵ Too mara kaxxam essecekkeeh; abaaro keenit abeeh; keenik garab oogoreeh; moyyak xagor keenik muguse. Sarrak, «Tahak wadir sin kee isin xalten xaylo marin baaxoh marat rihim faxe waytoonuh Yallih migaaqal xiibita» exceeh ken xibsiiseh.

Nacmiya 13:25 ပူးပေါင်းရင်းမြစ်များ

2 Malikwa 2:24

Eliisaq wonnah wagga heeh ken yuble waqdi, YALLIH migaaqal ken abaare. Too waqdi say-alluwah-nammay coox addak eweqqa 'teh woo urrik morootom kee namma awka kitif kitif hayte.

Qedra 10:5

Too waqdi Qedra, Sekanyak iyyem abaana'gidih, seekah abbobti kee Leewih yooboke mara kee kalah raqqa 'ye mara xibsiise.

Qedra 7:26

Ku Dageltih xinto intam abe waa num yenekiiy, hinnay kaadu, rasi madqa cina num yenek, too numul digaalah rabi amaate kee, hinnay kaadu, baaxok kaa ayyaaqe kee, buxal luk suge yeddere duyye kaak bukkuse kee, woh akke wayteh casbit kaa hee yakkeenimi» 'yaanam elle tan warkat kaal yecee.

Nacmiya 13:11

Too waqdi doolat taamat yan mara essecekkeeh; «Yallih Qibaadah-Qarih taamah amo akah wagte wayteenim macaay?» keenik exce. Sarrak Leewih yooboke mara kee Yallih Qibaadah-Qaril saare abak yen mara gexeh baaheeh, edde sugen taamah ken gacse.

Nacmiya 13:17

Toh uble waqdi Yuudak saqoltih yan mara essecekkeeh. Keenik exceemih, «Away abtan umaane isinnik maay tablen? Sabti ayroy taahirik tani nadaasa abten!

Nacmiya 13:24

Ken xaylok garab Asdood afat yaabak yeneeh, wohuk kalah kaadu aki afah yaabak yenen; ni af aaxaguk manannon.

Nacmiya 5:13

Sarrak bagul tikiyah luk suge saro ifdigga heeh gabah urguffa tet hee. «Ta saaku oggolteenim sarra siinik cina num Yalli tannah haay. Yalli, ta xiiba makteenik, liton qarwa kee edderra hayteenimik inkih foyyah sin cabele» keenik exce. Wokkel suggu 'ye mari inkih, «Aamiin! Takkay!» iyyen. Sarra YALLA faylisen. Sarrak too xiiba mamakinnon.

Nacmiya 5:6

Ken malkit oobbe waqdi, nabam inqibeeh,

Yasaqya 50:6

Ugrah yoh yemeete marah, maciniyyoy buucus ecee. Deben-xagor yok giiteenih macininniyoy; tibba exce. Yoo xaafeenih qaytimeenih; afak guduqqa maxciyyo. Qunxuf foocat yok tufeenih immay guduqqa maxciyyo.

Yoosuwa 23:12

Isinni Dageltal imaan hee wayteeniih woo sin addat raaqe marat tengeleenih keenik rihimteenik,