Nacmiya 13:22 - NABUWWA KEE MALIKWA

²² Tohuk lakal Leewih yooboke marak, «Taahirrowwa 'xicay, sabti ayro taahirik tan ayro kinnuk, sahda qiidih akah assa innah, magaalah afat dacayrih gaca» keenik exce. Tohuk gaba kale waqdi, «Yallaw, tahal yoo kassit. Ku kacni kaxxa kacanu. Tonna kinnuk, yoo wad» exce.

Nacmiya 13:22 ပူးပေါင်းရင်းမြစ်များ

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

2 Malikwa 23:4

Tohuk lakal malik kaxxa seekih yan Cilkiyya kee, kay gubal tan seeka kee, YALLIH Qibaadah-Qarih culmak afal dacayrih yen marak iyyeemih, «Gexay, YALLIH Qibaadah-Qarih addal tan duyyey Baqal kee Aseera akak iyyaanamay yallah loonuh qibaadah heenihiyya, wokkeh addak eyyeeqa. Cutuukah qibaadah heen duyye kaadu wokkek addak kala» iyye. Too duyye tokkek yeyyeeqen waqdi, beyya heenih, magaalak afal Kidroon deqsitta goloh addal gira edde ruuben. «Too girak raaqe gombod Beetal fan beya» iyye.

2 Aydaad 29:24

Too waqdi seeka woo wadar tusguudeh. Malik, «Cararisan sadgat kee dambi-kaloot-sadgat Israayil marah inkih aba» 'yaanam iyyeemih sabbatah, woo wadarih qabala woo sadgat elle aban aracal caxen.

2 Aydaad 29:27

Too waqdi Ciskiyyaahu, «Cado akak cararisan saq sadgatah xayyoosa» iyye. Woo sadgatih duyye yusguuden waqdi, saare abe mari YALLA faylise. Saareh yaaguren duyye yaagure mari kaadu baanta kee saareh yaaguren duyye yoogoren.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

Nacmiya 12:10

Yaasuwa, Yoyaakim xale; Yoyaakim Elyaasib xale; Elyaasib Yoyaadaq xale;

Nacmiya 12:30

Tohuk lakal seeka kee Leewih yooboke mari, isinni nabsi taahirroyseeniih; sarra kaadu ummatta kee Yarusalaam magaalat maroh sugte gasoy xiseenihiyya kee woo gasoh afoofi taahirroysen.

Nacmiya 13:14

«Yallaw, anu abam yoh ubulaay; koo elle yaqbuden qari kee tet addal koo yaqbudoonuh baguuk abah an taama foyya maabin» exce.

Nacmiya 13:31

Tonnal kaadu, sadgatah qiden saqih cado elle alaysan boco, yaaxigen waktil baahaanam bicsiteeh; ummat kaadu naharat luuqusen daro kee naharat alaye caxâ-miru sadgatah baahaanam bicsite. Sarrak «Yallaw, ta abba haam inkih yoh ubulaay, tahimih galto yoh ixig» exce.

Nacmiya 5:19

«Yi Dageltaw, a marah baguuk abam foyya yok maabin» axcuk Yalla kallace.

Yasaqya 38:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah tamaate weeqah weeqe.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.