Nacmiya 12:45 - NABUWWA KEE MALIKWA

⁴⁵ Ken akah yossokooteenim, seeka kee Leewih yooboke mari Yallah qibaadah kullim taahirik hayyaay, qibaadah faxximta taama Yalli elle iyye'nnal abak yeneenimih taaga. Yallih Qibaadah-Qarih addal saare aba mara kee Yallih Qibaadah-Qarit dacayrih yan mari, Malik Dawud kee kay baxa Suleeman teyyeeqe madqa kataatak yenen.

Nacmiya 12:45 ပူးပေါင်းရင်းမြစ်များ

2 Malikwa 7:10

Too waqdi wokke cabeenih gexen. Sarrak Samaariyah-magaala yemeeteeniih gasoh afal suge qaskariitah seecen. Iyyeenimii, «Nanu Suuriyah-marih arac genxeeh wokkel num maballinooy, numtin anay kaadu maabbino. Faariisa kee danoona axawat teneeh, siraqwa kaadu Suuriyah mari elle cabba hee innal ten» iyyen.

1 Aydaad 23:28

Taamah keenih yeceenim: Qibaadâ-Qaril YALLIH qibaada aban waqdi, Haaruunuk rade maray seekâ-lago lehiyya faxxinta taamal cataanam kee, Qibaadâ-Qarih daaratwa kee qunxa qarwa dacrisaanam kee, taahirik enna 'ta duyyey Qibaadâ-Qaril tanihiyya saytunusaanam kee, raqqa 'ta taamay Yallih Qibaadah-Qarih addal faxximma 'tahiyya abaanam kee,

1 Aydaad 26:26

Seloomitiy Elqeedar samadah yenehiyya kee kay gulubut raqqa 'ye mari, Yallih sadgatah Qibaadâ-Qari baahan duyyeh abbootan luk yenen. Too duyye teceem, Malik Dawud kee kedoh abbobti kee gulub-gulubuk abbobtih yan mara kee qaskar abbobtih yan mara.

2 Aydaad 23:6

Too waqdi a taamah taahirik tan seeka kee Leewih yooboke marak kalih mari Qibaadâ-Qari macula. Keeniy ta taamat yanihiyyak kalih mari macula. A mari a taamah taahirroowe mara kinnuk, culam tu mali'mmay, keenik kalih mari macula. Aki mari, YALLI elle iyye innal, Qibaadâ-Qarih afal aadelon. YALLIH yab oggolaanam faxxinta.