Nacmiya 12:44 - NABUWWA KEE MALIKWA

⁴⁴ Too saaku, Yallih Qibaadah-Qarih gaaboysan duyye kee, Yallih Qibaadah-Qaril gaaboysan dakaat kee, kulli sanatal darok naharat orobte daro kee, naharal alaye caxâ-miru elle daanisan qarih dacayrih taamat labha heen. Ta mari magaaloolil xayi buqreh baaxok ta maaqo seeka kee Leewih yooboke marah gaaboysaanam taamah luk yenen. Toh kitab elle iyya'nnal abak yenen. Yuudah yooboke mari inkih, seeka kee Leewih yooboke mari abe taama yossokooteh yen.

Nacmiya 12:44 ပူးပေါင်းရင်းမြစ်များ

1 Aydaad 23:28

Taamah keenih yeceenim: Qibaadâ-Qaril YALLIH qibaada aban waqdi, Haaruunuk rade maray seekâ-lago lehiyya faxxinta taamal cataanam kee, Qibaadâ-Qarih daaratwa kee qunxa qarwa dacrisaanam kee, taahirik enna 'ta duyyey Qibaadâ-Qaril tanihiyya saytunusaanam kee, raqqa 'ta taamay Yallih Qibaadah-Qarih addal faxximma 'tahiyya abaanam kee,

1 Aydaad 26:20

A marak kalih maray kaadu Leewih yoobokehiyyah, Qibaadâ-Qarih-duyye kee Yallih sadgatah baahan duyye elle haan makaadan-abbootan keenih yeceen.

1 Aydaad 9:26

Yallih Qibaadah-Qaril duyye elle daanisan golitte kee aki golitteh qaada wagga hayta taama, Yallih Qibaadah-Qarit dacayrih suge marak affara numuy keenik abbobtih yenehiyyah gabal heen. Too mari Leewih yooboke marak ten.

Nacmiya 10:36

Naharsi-baxak lab-baxa kee naharat yooboke dahaltu kee illi kee wadarak kaadu naharat yooboke saq, Yallih xinto elle inta'nnal, Yallih Qibaadah-Qarih addal taamitta seeka fan beenno.

Yasaqya 40:31

YALLAL kibalsita maray kibaal kaal haak kaa qambaala qusba qande haysitelon; gabilleemi'nnal haadelon. Qaafiyatah danan yakken; yardeenimih cawal maaban. Abaanamah ibi-gexo, 'kak mataqban; maboolaatan.