Nacmiya 12:39 - NABUWWA KEE MALIKWA

³⁹ Tokkeek Efrayim-Afa deqsitta afa kee Yasaanah Afa deqsitta afaay, Kullum-Afa deqsitta afaay, sahda akak yabloonuh xisen Cananal-Qari deqsitta qari kee, sahda akak yabloonuh xisen Bool-Qari deqsita qaril taturra inneh, Illi Afa deqsitta afah nemeete. Ta gexoy rooruh gacca 'yeenih abak sugeenihiyyak, Dacayrih Marih Afa gufen waqdi yeeden.

Nacmiya 12:39 ပူးပေါင်းရင်းမြစ်များ

2 Malikwa 14:13

Israayil malikih yen Yahoqas, Amaxya yibbixe. Tohuk lakal Yarusalaam fan gexxi 'yeeh, Yarusalaam magaalat maroh tan gasok Efrayim-Afak xabba haanamaay Rukni-Afa deqsita aracah amma 'yaanam tan gaso bututtukka hee. Too arac xexxaarah namma boolih gide mitrik akkuk yen.

Nacmiya 12:40

Ta saare-abay namma exxah gacca 'teh Yalla faylisak gexxehiyya ellecabol Yallih Qibaadah-Qaril elle sooloonu waan arac yibbixen. Yoo kee yo'lih suge mari kaadu Qibaadâ-Qarik foocal solle. Yo'lih ta gexot ten saqoltik kalah,

Nacmiya 3:1

Magaalak gasoosa elle xisnem annak ten. Eliyaasib deqsita num kee kaal luk tan seeka taama qimbisak, Illi-Afa deqsitta afa xisen. Too afah xisnek gaba kalen saaku, afa Yallah taahirroyseeniih; culmah alifih edde haan coox edde heen. Seeka, sahda akak yabloonuh xisen Bool-Qari deqsita qarik xabba haanamaay sahda akak yabloonuh xisen Cananal-Qari fanah amma 'yaanam, a gaso Yallah taahirroysen.

Nacmiya 3:25

Udáy-Falal kaadu wokkel katayta exxa bicse. Tohumu, daaba le arac kee, fayya le aracat raaqa malik-qarih-daaratal qaskar-elle-gacta-aracih amol yan qariy sahda akak yabloonuh xiseenihiyyak foocat raqta exxak ten. Farqós-Fadaaya wokkek elle yamaaten exxa bicseeh, xisne ayrô-mawqa le kabuk Leeh-Afa deqsitta afa kee sahda akak yabloonu xisen qari fanah abe. Too taamal kaa catak tenem, Yallih Qibaadah-Qarit taamah yen maray guubuh magaalak Oofal deqsita caafatal sugehiyyak ten.

Nacmiya 3:3

Hassana-gulubuh yooboke mari Kullum-Afa deqsitta afa xisen. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Nacmiya 3:6

Faseeyác-Yoyaadaq kee Basodyá-Masullam deqsita num Yasaanah-Afa deqsitta afa bicsen. Sarrak too mari too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Nacmiya 8:16

Too waqdi ummatta gexxeeh, too luud bahte. Sarrak qarwak amol booxah tan arooca kee, buxah addah daarat kee Yallih Qibaadah-Qarih daarat kee, Leeh Afa kee Efrayim Afa deqsitta culmak foocal booxah tan aroocal daboyta xisen.

Ermiyaas 31:38

YALLI qagseh iyyeemih, «Yarusalaam magaala yi migaaqal edde xissintu wayta ayroora amaatele. Sahda akak yabloonuh xisen Cananal-Qariy amo-xeerik xabba haanamaay, Rukni-Afah deqsita aracah amma 'yaanam edde xisoonu waan wakti amaatele.

Ermiyaas 32:2

Too saaku Baabelon-qaskar Yarusalaam magaala tabbixe'gidih, marot tet hayteh teneeh; Ermiyaas kaadu too saaku malik qarih daaratal axawat abbaxuk yenen.

Xafanya 1:10

YALLI kaadu qagseh iyyeemih, «Too ayro Yarusalaam magaalak Kullum Afa deqsita aracal weeqa marih anay aabbetton. Yarusalaam magaalak qusbih bicsen aroocal boogisa marih anay aabbetton. Qarway taddigilleh anay Yarusalaam koomah amok aabbetton.