Nacmiya 12:28 - NABUWWA KEE MALIKWA

^28-29 Leewih yooboke maray Yalla saarisahiyya Yarusalaam dariifal isinni gaandoodi xiseenih yenen. Too saaku, elle sugen Yarusalaam dariifa kee Natoofa deqsitta magaalah dariifaay, Beet-Gilgal deqsitta magaala kee Gabaq kee Qadmawet deqsitta namma magaalah dariifak gaabooweenih yemeeten.

Nacmiya 12:28 ပူးပေါင်းရင်းမြစ်များ

1 Aydaad 2:54

Beetlacam xise Salmak rade mari, Natoofa kee Qatrot-Beet-Yowab deqsita namma aracal gacen. Kaadu Manacat deqsita aracal gace namma gulubuk Xorqi deqsita gulubuh yooboke mari, Salmak rade mara kinni.

1 Aydaad 9:16

Samaqyâ-Qobadya deqsita numuk ten. Kay kaxxa-abba Galal deqsitak yeneeh, Galal Yedutun baxak ten. Aasâ-Barkiyya deqsita numuk ten. Kay kaxxa-abba Elkaana deqsitak yen. Elkaana Natoofâ-magaala dariifal ten baaxol geytimta gaandoodil daffeyak yen numu.

Nacmiya 13:10

Tohuk kalah kaadu, Yallih Qibaadah-Qaril saare aba mara kee Leewih yooboke marah acayuk yenen afto keenik yirgiqeenim oobbe. Tonna leemiik too mari Yallih Qibaadah-Qarih taama cabeeh isinni buqreh baaxo fan gexe.

Nacmiya 3:22

Tohul katayta arooca seeka bicisse. Naharak Yarusalaam magaalak dariifal buxah ten seeka ciggilta exxa bicisse.

Nacmiya 6:2

Sarrak Sanballat kee Gesam farmo yoh rubte. Iyyeenimih, «Oono deqsitta booxal tan qunxa magaalal net ongoorow» yaanam yoh ruuben. Too farmo yoh akah ruubeenim, ayrissa yoo heenih umam yol baahaana'gidik ten.

Nacmiya 7:26

Dumah yan saaku Israayil rasuk mango magaaloolil kaxxa abbobti akak sugte marak, mango mari yuduure. Duma Beetlacam kee Netoofa deqsitta namma magaalal suge marak rade marak, bool kee bacra-taban kee bacra num tuduure. Duma Qanatot deqsitta magaalal suge marak rade marak, bool kee labaatanna kee bacra num tuduure. Duma Beet-Qadmawet deqsitta magaalal suge marak rade marak, morootom kee namma num tuduure. Duma Kiryat-Yaqaarim kee Kafiira kee Beerot akak iyyan magaaloolil suge marak rade marak, malcina bool kee morootom kee sidiica num tuduure. Duma Raama kee Gabaq deqsitta magaaloolil suge marak rade marak, lica bool kee labaatanna kee inki num tuduure. Duma Mikmas deqsitta magaalal suge marak rade marak, bool kee labaatanna kee namma num tuduure. Duma Beetal kee Qaay deqsitta namma magaalal suge marak rade marak, bool kee labaatanna kee sidiica num tuduure. Duma Nabo deqsitta magaalal suge marak rade marak, kontom kee namma num tuduure. A magaalay Nabo deqsittak kalah kaadu gersi magaalay Nabo deqsittahiyya tan. Duma Qeelam deqsitta magaalal suge marak rade marak, alfi kee namma bool kee kontom kee affara num tuduure. A magaalak kalah kaadu gersi magaalay Qeelam deqsittahiyya tan. Duma Caarim deqsitta magaalal suge marak rade marak, sidiica bool kee labaatanni num tuduure. Duma Yeriko deqsitta magaalal suge marak rade marak, sidiica bool kee morootom kee koona num tuduure. Duma Lood kee Caadid kee Oono deqsitta sidooca magaalal suge marak rade marak, malcina bool kee labaatanna kee inki num tuduure. Duma Senaaqa deqsitta magaalal suge marak rade marak, sidiica alfi kee sagla bool kee soddom num tuduure.