Nacmiya 11:30 - NABUWWA KEE MALIKWA

³⁰ Danowac kee Qadullam deqsitta magaala kee a sidiica magaaloolih dariifal tan gaandoodil dabaaqah gacen. Ta magaalooli kee gaandoodik kalah kaadu, Laakis deqsitta magaala kee a magaalah dariifal tan baqurê-baaxol dabaaqah gacen. Qadeeka deqsitta magaala kee woo magaalah dariifal tan gaandoodil kaadu dabaaqah gacen. Tonnal, Yuudah yooboke mari elle nooke baaxo, gabbi le qaxak Bersabaq kee kilbat le kabuk Hinnom Golo deqsita namma aracih fanat ten.

Nacmiya 11:30 ပူးပေါင်းရင်းမြစ်များ

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

Nacmiya 11:29

Qenrimmon kee Xorqa kee, tonnah kaadu, Yarmut kee

Nacmiya 11:31

Benyaamah yooboke mari dabaaqah elle gacem, Gabaq kee Mikmas kee Qayya deqsitta magaala kee, Beetal-magaala kee tet dariifal tan gaandoodik ten.

Nacmiya 3:13

Dannowac deqsita aracal dabaqah suge mara kee Cannun deqsita num Goloh-Afa deqsitta afa bicisse. Too culmah alifih edde haan coox kee woo alifik adda le kabuk tabtabbih haan coox kee birta akah bicsen. Tokkek Guddaafâ-Qidim deqsitta afa fan raqta exxay xexxaarah alfi cusul takkehiyya bicsen.

Yasaqya 37:8

Tohuk lakal taaxige qaskar-abbay Assuuriyah-malikik farmo baahehiyya, Assuuriyah-malik Laakis-magaalak gexeeh, wokkel xayi Libna-deqsitta-magaalal qeebit yanih 'yaanam xaaguh yoobbe waqdi, wokke fanah gexe.

Ermiyaas 19:2

Ken lih gacca 'xicay Galqi deqsitta afaak, Hinnom Golo deqsita arac fanah gexa» yok iyye. «Tokke gufta waqdi intaamahaa,

Ermiyaas 19:6

Tonna'mmay a arac migaaqah Toofet madeqsitaay Hinnom Golo madeqsita. Takkay immay, Masgaadâ-Golo deqsitele. Too ayroora gitat tan.

Ermiyaas 32:35

Baqal akak iyyan gabak bicsen duyyey yaqbudeenihiyyah, Hinnom-Golo deqsita aracal, sadgat elle aban arac xiseeniih; tokkel migaaqah Molok yalla akah iyyan duyyey yaqbudeenihiyyah sadgatah isinni xaylo yusguuden. Annah tanim anu keenik aba excem hinna. Annah tanim yi kasal way temeetem hinna. Yuudâ-mari annah taniimiy umâ-yabulih tanihiyyay dambi keenil takkehiyyat aseloonum makkalinniyo» 'yaanam iyye.

Miika 1:15

Maresa deqsitta magaalah maraw, YALLI naqboytiitih siinik yan marih gabal sin heeleeh; too mari magaala siinik abbixele. Israayil makaabonuy kaxxa migaq gexxo luk tenehiyya Qadullam deqsita aracal tan gablah addat ambooqorelon.

Yoosuwa 10:3

Sarrak ta malikii, Cebron deqsitta magaalal malikih yen Hooham kee Yarmut deqsitta magaalal malikih yen Firam kee Laakis deqsitta magaalal malikih yen Yafiyaq kee Qeglon deqsitta magaalal malikih yen Dabiirih farmo ruubeeh, keenik iyyemii:

Yoosuwa 12:15

Libna deqsitta magaalal yen malikiiy Qadullam deqsitta magaalal yen malikiiy

Yoosuwa 15:39

Laakis kee Boxkat kee Qeglon kee

Yoosuwa 15:8

Too aracaak Hinnom-Golok qaxa-qaxa gacca 'yah, gabbi-qaxak Yarusalaam deqsitta magaalay Yabuusâ mari elle yanihiyya fan gufa. Tokkeek cuduud keenikii, Hinnom deqsitta golok ayrô-culma le kabut raqta koomah amoh amma 'yaanam guffa haah, tokket yaade. Tohumuu, Refaayim Golo deqsitta golo kilbat le kabuk edde taadee aracak ten.

Yoosuwa 18:16

Tokkeek cuduud keenik Refaayim Golo deqsitta golok kilbat le kabut raqta qaley Hinnom Golo akak amballayuk raqtahiyya fanah ooba. Tokkeek Hinnom Goloh addal gacca 'yeh Yarusalaam amot akak raqta qalel gabbi-qaxal tan ullulluk Qenrogel deqsita buyyi fanah yamaate.