Nacmiya 11:22 - NABUWWA KEE MALIKWA

²² Leewih yooboke maray Yarusalaamal dabaaqah yenehiyyak amo wagitak tenem, Quddi deqsita numu. Quddih abba Baani deqsita numuk ten. Baanih abba Casaabiya deqsita numuk ten. Casaabiya akak radem, Mattanya kee Miika deqsita maraay; akah gacsaanam, Asaf deqsita gulubu. Asaf deqsita gulubuk Yallih Qibaadah-Qaril aban Yallih saare absiisa marak yenen.

Nacmiya 11:22 ပူးပေါင်းရင်းမြစ်များ

2 Samuwel 9:12

Tohuk lakal Mafiboset malik buxal hununuh too malik xaylo takme maaqo akamuk yen. Xiba kee kay buxah mara Mafibosetih taamiteenih, baaxo kaah yubquren. Mafiboset maaqoh malik buxal gaceemih sabbatah, Yarusalaamal elle yeede. Kaak namma ibi inkih diglo luk yen. Usuk Miika deqsita lab-baxa luk yen.

Qedra 8:19

Tonnah kaadu, Casaabiya kee Yasaqya deqsita namma numuy Leewî kedok Maraari deqsita gulubuh gacissahiyya kee, keenih ramad le labaatanni num ken lih hayya heenih ruuben.

Nacmiya 11:11

Seraaya deqsita sek, Yarusalaamal dabaaqah gacte seekak numuk teenah yen. Kay abba Cilkiyya deqsitak yen. Cilkiyyah abba Masullam deqsita numuk ten. Ta num akak radem Saaduk kee Maraayot kee Aciitub deqsita numu. Aciitub kaxxa seekik ten.

Nacmiya 11:14

Ta mari akah yaabuke gulubuk Yarusalaamal dabaaqah gactem, tittat bool kee labaatanna kee bacra qaskariitak teneeh; oson yakkeenimiik kaxxa agiirah tan qaskarak yenen. Saqalah keenik tenem, Dabdiyal deqsita numuk ten. Dabdiyal abba Haggedolim deqsita numuk ten.

Nacmiya 11:9

Ayyuqel deqsita num ta marak inkih saqalak yeneeh; kay abba Dikri deqsitak yen. Yuuda kaadu Ayyuqel gubal magaalah abbak yen. Yuudah abba Hasnuwa deqsita numuk ten.

Nacmiya 12:42

Ken lakal tenem kaadu, Maqseyaahu kee Samaqya kee Alqedar kee Quddi kee Yahoocanan kee Malkiya kee Qeelam kee Qader deqsita numuk ten. Too waqdi saare-aba anay fayya haak, Yalla faylisen. Saqalah keenik tenem, Yidracya deqsita numu.

Nacmiya 12:46

Dawud kee Asaf dabaanal, Yallih fayla kee Yallah candu gacsan waqdi, miraacisah yan saqal suge.

Nacmiya 13:13

Tohuk lakal too gaaboysen duyye elle tan qarwah taamak abbobtih, sek Selemya kee xinto elle tan innah adda aaxaguk yen Saaduk kee, Leewih yooboke Fadaaya deqsita num hee. Tohuk kalah Dakkúr-Canaan deqsita num ken cata'gidih hee. Canaan, Mattanya deqsita numuk baxi baxak ten. Ta mari aamanti le marak teneeh; ken toobokoh gaaboysen maaqo ken wadbise loonumuh ken eemeneh en.

Nacmiya 3:17

Leewih yooboke mari kaadu gasoosak wohuk raqte exxaaxih bicsat gacen. Baaní-Racum exxak teena bicse. Casaabiya deqsita numuy Kaqiila deqsita rakaakayak garabak abbah yenehiyya tokkel, buxah yen marih afak, katayta exxa bicse.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.