Nacmiya 10:29 - NABUWWA KEE MALIKWA

²⁹ nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Nacmiya 10:29 ပူးပေါင်းရင်းမြစ်များ

2 Malikwa 10:31

Tonna'mmay Yaahuh tu gactek, YALLAY Israayil doore Dageltah yanihiyyah xinto baguuk moggolinnaay; Malik-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

1 Aydaad 9:2

Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

2 Aydaad 34:31

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

Nacmiya 13:25

Too mara kaxxam essecekkeeh; abaaro keenit abeeh; keenik garab oogoreeh; moyyak xagor keenik muguse. Sarrak, «Tahak wadir sin kee isin xalten xaylo marin baaxoh marat rihim faxe waytoonuh Yallih migaaqal xiibita» exceeh ken xibsiiseh.

Nacmiya 7:46

Yallih Qibaadah-Qarit taamah suge marak rade marak yuduure marih gulubuk migaq ah kaana: Xiica kee Casuufa kee Tabaaqot kee Keeros kee Siiqa kee Fadon kee Labaana kee Cagaaba kee Salmay kee Canaan kee Giddal kee Gacar kee Rayya kee Raaxin kee Nakooda kee Gaddam kee Qudda kee Faseeyac kee Besay kee Maquunim kee Nafussim kee Bakbuk kee Cakuufa kee Carcur kee Baxlit kee Maciida kee Carsa kee Barkus kee Sisra kee Temac kee Naxiya kee Catiifa deqsita gulubuk ten.

Nacmiya 8:3

Tokkel magaalak akak yawqen afal booxak bagul, maacak xabba haanamaay carri tikka 'yam fanah, Qedra too kitab intam keenih akrayuk sugeeh; oson kaadu baguuk kaa ankacisak asen.

Nacmiya 9:38

Tohuk lakal «Net tikka 'teemik gexxaamah, Israayil ummattak nanuu, titta elle geyne tittin-gey kutbeh haysinnah nan. Too kutbel nek saqoltiiy, Leewih yooboke mara kee seeka firma heelon» iyyen.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Ermiyaas 26:4

Kol ruuba farmo ah teeti. Keenik intamaa, ‹YALLI siinik iyyamaa: Yi yab ankacisaay anu ahak dumaak siinil oobise kitaabay yi xinto elle tanihiyya intam abaay;

Ermiyaas 34:15

Away xayi saaku, duma edde sugten qellat ixigga hayteenih, ruffa yoo haytam abteenih sugten. Toh macaay inteenik, takkeenimiik titta geyya hayteenih, sin maray naqoosah luk sugteenihiyya cabteeniih, curri ken abteenih sugten. Too sittin-gey yoo elle yaqbuden yi qibaadah qarih addal yi migaaqal abten.

Yacedkel 36:27

Inni Roocaaniyya siinit heeyyo. Siinil ecee amri kee madqa duudusa mara sin abeyyo.

Malaaki 4:4

«Muusay yi naqasuh yanihiyya sin barsem kee, kay gabal Israayil marah Siinâ Qaleh amol ecee xinto kee madqay kataataana'gidih keenih ruubehiyya, isin kassita.