Nacmiya 1:7 - NABUWWA KEE MALIKWA

⁷ Ceele-waytam kol bahneeh, atu aba inteh nee akah amrissem maabinnino. Muusay ku naqasuh yanih gabat neh rubte xinto aba intam maabinnino.

Nacmiya 1:7 ပူးပေါင်းရင်းမြစ်များ

1 Malikwa 2:3

YALLAY ku Dagelta kinnihiyya ab kok axcinnaanim abay, kay gitat gex. Muusal oobe kitaabal tan Yallih xinto kee madqaay, kay baritto kee kay amri inkih duudus. Tonnal abinnaanim gabal kok amqeleeh, elle gexinnaan ikkel abinnaanim gabal kok bicele.

2 Aydaad 25:4

Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay; xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.

2 Aydaad 27:2

Yootam isi abbak kaxxih, YALLI kicna taama abak yen. Takkay immay kay abba akah abe innah, YALLIH Qibaadah-Qaril qaydarus maqeerisinna. Takkay immay ummat dambi abittok maadayinna.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Xafanya 3:7

‹Tahaysa yi mari yok meysiteleeh, anu maabina keenik axcem maabaana› 'yaanam niyal heeh suge. Takkay immay keenil baahem abaluk, yol yaduure marak masuginnoonuuy, dumaak abak sugen uma taamat qagten.

Malaaki 4:4

«Muusay yi naqasuh yanihiyya sin barsem kee, kay gabal Israayil marah Siinâ Qaleh amol ecee xinto kee madqay kataataana'gidih keenih ruubehiyya, isin kassita.