Nacmiya 1:4 - NABUWWA KEE MALIKWA

⁴ Too xaagu oobbe waqdi, daffa exceh weeqe. Dago ayroora rookat sugeeh, too ayroora maaqo xage'kal suge. Yalla kallaceeh,

Nacmiya 1:4 ပူးပေါင်းရင်းမြစ်များ

2 Samuwel 12:16

Too waqdi Dawud, baxi kaah qaffoota'gidih, Yalla kallace. Maaqo afah xagu cineeh, kulli bar isi qari culla 'yeh qarik baaxal deerih gacca 'yeh, elle maaca fan sugak yen.

2 Malikwa 22:19

toobitteeh, yoh isi nabsi rammisse. Yarusalaam kee Yarusalaam maral baahu waam toobbe waqdi, nadaamah sara isik qanxisseeh weqteh. Too waqdi abteh tan dooqa kok oggoleh. Yarusalaam tiyah tu gactek, Yarusalaam ableh-uma ceelot gacele. Sahda titta abaarta way, Yarusalaamat tekkem siinit takkay, akak inxicca 'ta umaane teetil baaheyyo.

2 Aydaad 6:13

Suleeman fayya 'ya aracay nacaasak bicseenihiyya Yallih Qibaadah-Qarih daaratih gudel heeh yen. Too aracay nacaasak bicseenihiyya affara kabuk tittat koona cusul akkuk yen. Fayyah kaadu sidooca cusul akkuk yen. Sarrak too mansafal bukka 'yeeh, kulli num kaa elle yable ikkek gulubuh nokka 'yeeh, dooqah qaran fanah namma gaba fayya hee.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 10:1

Qedra baaxok bagul afah radda 'yeh, Yallih Qibaadah-Qarih foocal aben umaanet yaabakaay, weeqak dooqa abak suge waqdi, Israayil ummattak labha kee agabu kee urruk mangom xaqul kaak gaabowwa 'yeenih kaxxam weeqen.

Qedra 9:3

Toh oobbe waqdi, yot tekke niyâ-diglok gexxaamah sara innik qanxiseeh, amô-xagorta kee deben innik mugseh, abeh an haggah gomboduk bagul daffee.

Qedra 9:5

Sarrak magrib yekkeeh, sadgat edde aban wakti xayyoowe waqdi, Yallah rammitak nadaamah daffeyak elle suge aracak, qanxixe sara xagarat luk, solla exce. Tohuk lakal gulubuh gacca exceh, YALLAY yi Dagelta kinnihiyyal dooqah gaba ruube.

Nacmiya 2:20

Too waqdi anu keenil gacseemih, «Qaraanal yan Yalli abnam fanxam gabal nek bicsele. Nanu kay naqoosa kinninooh, a magaala xisenno ikkal, fanat manaadiya. Sin tiyah tu gactek, Yarusalaam magaala siinih dumaak takkem luk masuginnaay, a way uxih siinih takkem mali» keenik exce.

Nacmiya 2:4

Malik too waqdi, «Away hay, maca koh abam yok faxxaah?» yok iyye. Too waqdi qaraanal yan Yalla kallaceeh,

Daaniyel 10:2

Anu sidooca ayyam rookat suge waqdi,

Daaniyel 2:18

Keenik iyyeemih, «Nee kee kalah tan tu-taaxago cattimna'gidih, Yalli a soonoh maqna nee yayballayuh, qaraanal yan Yalla kallaca» keenik iyye.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Yoonas 1:9

Yoonas keenil gacsemii, «Akah oobokem Qibraayisti. Elle aaminem YALLA. Usuk qaraanal yaniih; baaxo kee bad inkih gintem kaa» keenik iyye.