Nacmiya 1:3 - NABUWWA KEE MALIKWA

³ Too mari yok iyyemii, «Baabeloonuk saaboh isi baaxo fan yuduure mari kaxxa gadaamah addat yaniih; woo baaxol suge mari ken bursutah. Yarusalaam magaalat maroh tan gasoosay tiddigillehiyya uxih bicsa mali. Magaalah adda akak culan culmay duma carriseenihiyya uxih bica magenna» 'yaanam yok iyyen.

Nacmiya 1:3 ပူးပေါင်းရင်းမြစ်များ

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Malikwa 25:10

Kay gubal tan qaskar, Yarusalaamat maroh ten gidaarwa inkih bututtukku heen.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Qedra 2:1

Duma seewah been marak rade marak, Yarusalaam kee Yuudâ rasu fan yuduure marih migooqa ah teeti. Ta mari akak rade mara yakkeemiik inkih, Nabkadnessar deqsita malik Baabelon baaxo fan seewah beeh suge. Too saakuk xabba haanam too baaxol baaxo caboytiitih sugen. Isinni baaxo gufen waqdi, kulli numuuy isi magaala fan keenik gace.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Nacmiya 11:3

Seeka tanuu, Leewih yooboke mari yanuu, Yallih Qibaadah-Qarit taamita mari yanuu, Suleeman buxah taamitak yen marih ramad yanuu, wohuk kalah, raqqa 'ye maray Israayilih ubukka iyyak numuuy isi kaxxa abbak raqte magaalal isi guubul keenik gace. Yuudâ-rakaakayak saqoltih yen maray Yarusalaamal dabqih gacehiyya ah kaana.

Nacmiya 2:13

Barat edde, Goloh-Afa deqsitta afak gacca exceh magaalak tattab-tattab gexeh, Gawi-Buyyi deqsita aracak gacca exceh, Guddaafâ-Qidim deqsitta afa guffa haam fan, magaalat maroh ten gasoy tiddigille kee magaalah afoofiy carartehiyya cubbusak gexe.

Nacmiya 2:17

Takkay immay magaala wagtek lakal keenih warseeh, keenik exceemih, «Labhay, edde nan gibdaabina wagitay. Yarusalaam abur tekkeeh, tet akak culak yenen afoofi gira edde ruubeenih cararte. Away magaalâ-gasoosa xissa hayneh, edde nan qaybik ninni nayyaaqay› keenik exce.

Nacmiya 2:3

sarrak kaak exceemih, «Yi malikow, qumri kok yaxxeeray. Yi kaxxa abbobtih kabri elle yan magaala abur tekkeeh, tet akak culan culma carriseenih; tah inkih aaxagih faxe-waynaan mannal sinniyo?» exce.

Nacmiya 7:6

Duma seewah been marak rade marak, Yarusalaam kee Yuudâ rasu fan yuduureh suge marih migaq ah kaana. Ta mari akak rade mari yakkeemiik inkih Nabkadnessar deqsita Baabelon-malik seewah beeh suge. Too saakuk xabba haanam too baaxol, baaxo caboytiitih sugen. Isinni baaxo gufen waqdi, kulli numuuy isi magaala fan keenik gaceh yen.

Aster 1:1

Malik Ekserkas deqsita malik, dardaarinni korsi elle luk yen Fursi-rasuk inaytah-ten-magaalay Suusa-deqsitak-tenehiyyal gacca 'yeh Hindi-rasuk xabba haanamaay, Kuus-rasuh amma 'yaanam tan baaxoy bool kee labaatanna kee malcina rakaakay takkehiyyal ackamuk yen.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yasaqya 5:5

«Aysa mala teetih malsah, reebuh teetih xise gaso butukka teetik hee liyo. Tet dariifat reebuh yan coox bayseyyoh; dibuk raaqele. ‹Alluwwa tet tattakambay, ken gadda takkay› axceyyo. Ibah teetit aaqitelon.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 39:8

Too ayrot Baabelon mari, malik qari kee raqqa 'te ummatih qarwat inkih gira ruuben. Yarusalaamat maroh sugte gidaarwa inkih bututtukku heen.

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Ermiyaas 52:14

Kay gubal tan qaskar, Yarusalaamat maroh ten gidaarwa inkih bututtukku heen.