Nacmiya 1:11 - NABUWWA KEE MALIKWA

¹¹ Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.

Nacmiya 1:11 ပူးပေါင်းရင်းမြစ်များ

2 Aydaad 6:40

«Yi Dageltaw, a arac dacrisay; a aracal aban dooqah ayti ucuyaay aban kallaci macinin.

Qedra 1:1

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruubeeh; kaadu warkatal too farmo yuktubeh ruube. Toh abaamih fayxi kaat haytem YALLA.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Nacmiya 1:6

Yooy ku naqasu kinni wagga heey! Anu ku naqoosah bar kee laqo aba dooqah ayti ucuyaay yok oobbey. Nanu Israayil marak dambi le taamah taaminnem aaxigeh. Yoo kee anu akak rade yi kaxxa abbobti dambi le taamat asne.

Nacmiya 2:1

Tu edde taade Artacsasta deqsitak yen malik edde reede labaatanhaytô sanatak migaaqah Niisan deqsita alsat, malik qinab kamri elle yaaqube'kkel, too kamri gabal kaak hee. Dumak kay foocal farcatal taamitak suge. Woo saaku faxe waynaan ceelo yok yubleh.

Nacmiya 2:8

Tonnah kaadu, ku garbot dacayrih yan numuy Asaf deqsitahiyyah warkat yoh aktubetto» kaak exce. Woo warkatal farmoh intaamah, ‹Yallih Qibaadah-Qarik xaqut yan reebuk xisen qarih afah alifuh edde heen coox kee, magaalat maroh yan gidaar edde xisan coox kee, kalah kaadu, anu dabaaqah edde gacu waa qarih coox yoh ucuya› 'yaanam kaak yoh inxic» kaak exce. Yalli yo'lih yeneemih sabbatah, malik anu kaa esserem yoh abeh.

Ermiyaas 42:12

toh lih kaadu siinik iyyeemih, ‹Baabelon malikih afqadot xuwaw siinih heeyyooh, isinni baaxo fanah taduuroonay sin axcele. Tahat yabtam yoo YALLA› 'yaanam siinik iyye.

Malaaki 3:16

YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.