Naacum 3:6 - NABUWWA KEE MALIKWA

⁶ Gacta intit koo ableyyooh, guddaafa kot qideyyo. Kot tekkem yable mari anqaasah kol rabele.

Naacum 3:6 ပူးပေါင်းရင်းမြစ်များ

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Yacedkel 16:37

Tonna-leemiik duma mareytiitih kok suge marak niqibtom kee kicintom inkih, bahha heeh foocal kok xayyoyseyyo. Too mari maraasiyya koo heele. Too waqdi oson koo elle yablen ikkel, qasunuk koo cabeyyo.

Naacum 1:14

YALLI Assuuriyah-marih giddinaamak edde yaabeemih: «Migaaqat keenik elle yaaban xaylo keenik maraqta. Ken qibaadah bicsen qarwal tan Yalla akak iyyan duyye keenik bayseyyo. Assuuriyah marah kabrih bicsat an. A addunyah mano keenih mataguuda» iyye.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.

Malaaki 2:3

Siinik radu waa mara digaaleyyo. Ama sadgatah qiddan saqih gudaaqe foocat siinik duugeyyo. Guddaafa elle qidan aracat sin qideyyo.

Malaaki 2:9

Yi amri cine mara tekkeeniih, yi mara barissan waqdi, inki intit ken maballitoonuuy; tohuk gexxaamah Israayil marih intit, bura le mara sin abeyyo. Tah intam yoo YALLAY Nabaamak Nabahiyya» keenik iyye.